- Мухарны эси – ашарыкъда.
- Биреуге кёлтюрген таягъынг, кесинги башынга урур.
- Гугурук къычырмаса да, тангны атары къалмаз.
- Булут кёкге джарашыу, уят бетге джарашыу.
- Чомарт бергенин айтмаз.
- Атлыны ашхысы, ат тизгининден билинир
- Ач бёрюге мекям джокъ.
- Ауругъаннга – кийик саулукъ, джетген къызгъа – чилле джаулукъ.
- Ётюрюкню къуйругъу – бир тутум.
- Тиширыусуз юй – отсуз от джагъа.
- Чакъырылмагъан джерге барма, чакъырылгъан джерден къалма.
- Асхат ашлыкъ сата, юйдегиси ачдан къата.
- Ишлерге уял да, ашаргъа табма.
- Къыз чыгъаргъан – къызыл къымжа.
- Экеу тутушса, биреу джыгъылыр.
- Биреуню тёрюнден, кесинги эшик артынг игиди.
- Гыдай эчки суугъа къараб, мюйюзле кёрмесе, джашма алкъын, дегенди.
- Бет бетге къараса, бет да джерге къарар.
- Билмегенинги, билгеннге сор.
- Юйюнгден чыкъдынг – кюнюнгден чыкъдынг.
- Иги бла джюрюсенг, джетерсе муратынга, аман бла джюрюсенг, къалырса уятха.
- Айыбны суу бла джууалмазса.
- Айтылгъан буйрукъ, сёгюлмез
- Аш хазыр болса, иш харам болур.
- Къонакъ болсанг, ийнакъ бол.
- Алтыда кюлмеген, алтмышда кюлмез.
- Арба аугъандан сора, джол кёргюзтюучю кёб болур.
- Къарнынг къанлынга кийирир.
- Намысы болмагъанны, сыйы болмаз.
- Элиб деген, элге болушур.
- Ишге юренсин къоллары, халкъ бла болсун джоллары.
- Къыз келсе, джумуш эте келеди, къатын келсе, ушакъ эте келеди.
- Къарын къуру болса, джюрек уру болур.
- Хаухну атма, ёнгкючню сатма.
- Тюзлюк тас болмайды.
- Этни да ашады, бетни да ашады.
- Эшекни не къадар тюйсенг да, ат болмаз.
- Хар адамгъа кеси миннген тау кибик.
- Уллу айтханны этмеген – уллаймаз.
- Джюрекден джюрекге джол барды.
- От этилмеген джерден тютюн чыкъмайды.
- Тамчы таш тешер.
- Тёгюлген тюгел джыйылмайды.
- Тёзген – тёш ашар!
- Алтыннга тот къонмаз.
- Ётюрюкчюню шагъаты – къатында.
- Болджал ишни бёрю ашар.
- Ётюрюк хапар аякъ тюбю бла джюрюйдю.
- Иги сеники эсе да, сюйген кесимикин этеме.
- Ашатыргъа иш – ашхы, ишлетирге аш – ашхы.
Ислам...архитектура...поэзия...живопись...каллиграфия.
Читают тему (гостей: 1)