- Иги – алгъыш этер, аман – къаргъыш этер.
- Сёз къанатсыз учар.
- Тау башында, тау болмаз, джангыз терек, бау болмаз.
- Ач келгенни – тойдур, кеч келгенни – къондур.
- Ёлген аслан – сау чычхан.
- Кёзден кетген, кёлден да кетеди.
- Ариу джол аджал келтирмез.
- Кирсизни – саны таза, халалны – къаны таза.
- Зар адамны насыбы болмаз.
- Агъач – джерни чырайы, кийим – эрни чырайы.
- Джукъу тёшек сайламайды.
- Джырына кёре эжиую.
- Тойну къарнашы – харс, джырны къарнашы – эжиу.
- Игиге айтсанг – билир, аманнга айтсанг – кюлюр.
- Кенгеш болса, уруш болмаз.
- Бойнуму джети джерден кессенг да, мен ол ишни этеллик тюлме.
- Ургъан суудан башынгы сакъла.
- Ачыкъ джюрекге джол – ачыкъ.
- Ойнаб айтсанг да, эслеб айт.
- Кёкдеги болмаса, джердегин кёрмейди.
- Къарнынг ауруса, ауузунгу тый
- Игини сыйлагъан адетди.
- Тенгинг джокъ эсе – изле, бар эсе – сакъла!
- Ата Джуртча джер болмаз, туугъан элча эл болмаз.
- Тилде сюек болмаса да, сюек сындырыр.
- Акъылсызны джууукъгъа алма, акъыллыны кенгнге салма.
- Ишин билген, аны сыйын чыгъарады.
- Къолунгдан къуймакъ ашатсанг да, атаны борчундан къутулмазса.
- Соргъан айыб тюлдю, билмеген айыбды.
- Чомартха хар кюн да байрамды.
- Къралынгы – душмандан, башынгы от бла суудан сакъла.
- Къарнынг къанлынга кийирир.
- Битмегеннге сакъал – танг.
- Адеб этмеген, адеб кёрмез.
- Къыйынлы джети элге оноу этер.
- Акъдан къара болмаз.
- Билим – акъылны чырагъы.
- Тели турса – той бузар.
- Ашына кёре табагъы, балына кёре къалагъы.
- Аз сёлеш, кёб ишле.
- Оюмсуз атлагъан, аджалсыз ёлюр.
- Хар ишни да аллы къыйынды.
- Джыланны къуйругъундан басарынг келсе, аны башы болгъанын унутма.
- Къыз келсе, джумуш эте келеди, къатын келсе, ушакъ эте келеди.
- Ачны эсинде – аш.
- Адам боллукъ, атламындан белгили болур.
- Адам къаллай бир ишленмесе, аллай бир кесин уллу кёреди.
- Къонагъы джокъну – шоху джокъ.
- Джырчы ёлсе, джыры къалыр.
- Суу ичген шауданынга тюкюрме.
Предлагаю разместить погоду Черкесска и Нальчика на гл. стр.
29.01.2007 21:09:46
Погода в Москве тоже не помешает
|
|
|
|
30.01.2007 23:47:46
FINANCIST
Бек таб... бек тюз айтдынг... чам эте тура эдим... ансы кесими да джокъду огъаим... этсинле... болмаса аманды... Сыйынг башымдан мийикде... Къарча... |
||||
|
|
|||
Читают тему (гостей: 1)