- Мени джылытмагъан кюн, меннге тиймесин!
- Ат да турмайды бир териде.
- Билимден уллу байлыкъ джокъду.
- Тау башында, тау болмаз, джангыз терек, бау болмаз.
- Ашхы болсанг, атынг чыгъар, аман болсанг, джанынг чыгъар.
- Биреуню тёрюнден, кесинги эшик артынг игиди.
- Адамны артындан къара сабан сюрме.
- Къарын къуру болса, джюрек уру болур.
- Ёлген аслан – сау чычхан.
- Ойнай билмеген, оюн бузар.
- Джарлыны эшигин махтагъан джабар.
- Тил бла келеди джыр да.
- Уллу айтханны этмеген – уллаймаз.
- Ач – эснер, ат – кишнер.
- Джарлы джети элни сёзюн этер.
- Аман киши кеси юйюнде – къонакъ.
- Илму – джашауну джолу.
- Ачыкъ джюрекге джол – ачыкъ.
- Кюл тюбюндеги от кёрюнмейди.
- Тамчы таш тешер.
- Харам къарнашдан, халал тенг ашхы.
- Биреуге аманлыкъны тилеме да, кесинге ашхылыкъны тиле.
- Ач келгенни – тойдур, кеч келгенни – къондур.
- Чабакъсыз кёлге къармакъ салгъанлыкъгъа, чабакъ тутмазса.
- Къарыусузгъа кюлме, онгсузгъа тийме.
- Кёбню кёрген – кёб билир.
- Зар адам ашынгы ашар, кесинги сатар.
- Джангыз торгъай джырламаз.
- Джогъун бар этген, барын бал этген.
- Кёпюр салгъан кеси ётер, уру къазгъан кеси кетер.
- Мухардан ач ычхынмаз.
- Атадан ёксюз – бир ёксюз, анадан ёксюз – эки ёксюз.
- Аджаллыгъа окъсуз шкок атылыр.
- Эски джаугъа ышанма.
- Тёгюлген тюгел джыйылмайды.
- Насыб бютеу халкъны юлюшюдю.
- Иесиз малны бёрю ашар.
- Аман адам элни бир-бирине джау этер.
- Къолу уллу – асыу, аягъы уллу – джарсыу.
- Къарнынг ауруса, ауузунгу тый
- Иги – алгъыш этер, аман – къаргъыш этер.
- Кийим тукъум сордурур.
- Соргъан айыб тюлдю, билмеген айыбды.
- Нёгерсизни джолу узун.
- Ёксюзню тилеги къабыл болур.
- Тешик этген тынчды, аны джамагъан къыйынды.
- Иги адамны бир сёзю эки болмаз.
- Рысхы – сют юсюнде кёмюк кибикди.
- Джаш къарыу бла кючлю, къарт акъыл бла кючлю.
- Сёз къанатсыз учар.
Предлагаю разместить погоду Черкесска и Нальчика на гл. стр.
29.01.2007 21:09:46
Погода в Москве тоже не помешает
|
|
|
|
30.01.2007 23:47:46
FINANCIST
Бек таб... бек тюз айтдынг... чам эте тура эдим... ансы кесими да джокъду огъаим... этсинле... болмаса аманды... Сыйынг башымдан мийикде... Къарча... |
||||
|
|
|||
Читают тему (гостей: 1)