- Айыбны суу бла джууалмазса.
- Малны кют, джерни тюрт.
- Рысхы – сют юсюнде кёмюк кибикди.
- Къулакъдан эсе, кёзге ышан.
- Бал ашаргъа сюе эсенг, чибин ургъаннга тёз.
- Тойгъанлыкъ къойгъа джарашады.
- Ёлюр джаннга, ёкюл джокъ.
- Уллу къазанда бишген эт, чий къалмаз.
- Ариу сёз – къылычдан джити.
- Хоншуну тауугъу къаз кёрюнюр, келини къыз кёрюнюр.
- Олтуруб кёрюнмей эди да, ёрге туруб кёрюне эди.
- Айтылгъан буйрукъ, сёгюлмез
- Сормай – алма, чакъырылмай – барма.
- Къартха ушагъан джаш – акъыллы, джашха ушагъан къарт – тели.
- Айранын берсенг, челегин да къызгъанма.
- Кёлсюзден сёзсюз тууар.
- Бастасын ашагъан, хантусун да ичер.
- Иесиз малны бёрю ашар.
- Эки элинги тыйсанг, джети элде махталырса.
- Ашха уста, юйюнде болсун
- Аманнга алтын чыдамаз.
- Къалгъан ишге къар джауар.
- Чомартха хар кюн да байрамды.
- Къайгъы тюбю – тенгиз.
- Байлыкъ болгъан джерде, тынчлыкъ джокъду.
- Гугук кесини атын айтыб къычыргъанча, мен, мен деб нек тураса?
- Чалманны аллы къалай башланса, арты да алай барады.
- Акъыл бла адеб эгизледиле.
- Кёбню кёрген – кёб билир.
- Джол бла сёзню къыйыры джокъ.
- Иги адамны бир сёзю эки болмаз.
- Тойгъа алгъа да барма, тойда артха да къалма.
- Джумушакъ терекни къурт ашар.
- Таукелге нюр джауар.
- Мал тутхан – май джалар.
- Айтхан – тынч, этген – къыйын.
- Тенгни тенглиги джашай барсанг билинир.
- Азыкъ аз болса, эртде орун сал.
- Аджал соруб келмез, келсе, къайтыб кетмез.
- Итли къонакъ джарашмаз.
- Тойну къарнашы – харс, джырны къарнашы – эжиу.
- Джырчы ёлсе, джыры къалыр.
- Къарыусузгъа кюлме, онгсузгъа тийме.
- Ёлген ийнек сютлю болур.
- Ишлемеген – тишлемез.
- Биреуню тёрюнден, кесинги эшик артынг игиди.
- Эл ауузу – элек, анга ийнаннган – халек.
- Ариу сёз джыланны орнундан чыгъарыр.
- Ханы къызы буюгъа-буюгъа киштик болду.
- Кийимни бир кюнню аясанг, минг кюннге джарар.
КъАРАЧАЙ-МАЛКЪАР ДЖАЗЫУЧУЛАГЪА
|
Да бизни джазыучуланы асламысы алгъаракъ тёлюлени адамларыдыла, быллай технологияланя таный болмазла да
|
|
|
|
|
Читают тему (гостей: 1)