- Ёлюк кебинсиз къалмаз.
- Бёрю да ач къалмасын, эчки да ашалмасын.
- Арба аугъандан сора, джол кёргюзтюучю кёб болур.
- Хар сёзню орну барды.
- Ашда уялгъан – мухар, ишде уялгъан – хомух.
- Эринчекни эр алмаз, эр алса да, кёл салмаз, кёл салса да, кёб бармаз!
- Аджашхан тёгерек айланыр.
- Ойнай-ойнай кёз чыгъар.
- Ишин билген, аны сыйын чыгъарады.
- Ёксюзню тилеги къабыл болур.
- Дууулдаса – бал чибин, къонса – къара чибин.
- Дженгил джетерикме деб, узун джолну къоюб, къысхасын барма.
- Биреуню къыйынлыгъы бла кесинге джол ишлеме.
- Тюзлюк тас болмайды.
- Керек ташны ауурлугъу джокъ.
- Гугук кесини атын айтыб къычыргъанча, мен, мен деб нек тураса?
- Джарлы джети элни сёзюн этер.
- Тели турса – той бузар.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Адебсиз адам – джюгенсиз ат.
- Ханнга да келеди хариблик.
- Кесине оноу эте билмеген, халкъына да эте билмез.
- Тулпарлыкъ, билекден тюл – джюрекден.
- Уллу къазанда бишген эт, чий къалмаз.
- Биреуге кёлтюрген таягъынг, кесинги башынга урур.
- Къарнынг къанлынга кийирир.
- Башы джабылгъан челекге, кир тюшмез.
- Джаралыны джастыгъында сау ёлюр.
- Кийимни бичсенг, кенг бич, тар этген къыйын тюлдю.
- Аман хансны – урлугъу кёб.
- Ачны эсинде – аш.
- Терек ауса, отунчу – кёб.
- Эски джаугъа ышанма.
- Адеби болмагъан къыз – тузсуз хант.
- Аджалсыз ёлюм болмаз.
- Адамны сыфатына къарама, сёзюне къара.
- Чыбыкълыкъда бюгюлмеген, къазыкълыкъда бюгюлмей эди.
- Элиб деген, элге болушур.
- Тойну къарнашы – харс, джырны къарнашы – эжиу.
- Кёбден умут этиб, аздан къуру къалма.
- Оюмсуз атлагъан, аджалсыз ёлюр.
- Къайгъыны сюйген, къайгъы табар.
- Тойгъа барсанг, тоюб бар, эски тонунгу къоюб бар.
- Къуллукъчума, деб махтанма, къуллукъ – хаух джамчыды!
- Ашхы атаны – джашы ашхы, ашхы ананы – къызы ашхы.
- Уясында не кёрсе, учханында аны этер.
- Кёл ашады да, кеси ашады.
- Тенги кёбню джау алмаз, акъылы кёбню дау алмаз.
- Къыз келсе, джумуш эте келеди, къатын келсе, ушакъ эте келеди.
- Бети бедерден, намыс сакълама.
КъАРАЧАЙ-МАЛКЪАР ДЖАЗЫУЧУЛАГЪА
|
Да бизни джазыучуланы асламысы алгъаракъ тёлюлени адамларыдыла, быллай технологияланя таный болмазла да
|
|
|
|
|
Читают тему (гостей: 1)