- Aдам боллукъ, сыфатындан белгили.
- Аман къатын алгъан, арыр, иги къатын алгъан джарыр.
- Джашынгы кесинг юретмесенг, джашау юретир.
- Тилчиден кери бол.
- Бозанг болмагъан джерге, къалагъынгы сукъма.
- Насыб бютеу халкъны юлюшюдю.
- Биреуге аманлыкъны тилеме да, кесинге ашхылыкъны тиле.
- Джыланны къуйругъундан басарынг келсе, аны башы болгъанын унутма.
- Арыгъан къош чамчы болур.
- Ашхылыкъ джерде джатмайды, аманлыкъ суугъа батмайды.
- Дуния аламаты сен эсенг да, игиме деб айтма.
- Сангырау къулакъ эл бузар.
- Къартны бурнун сюрт да, оноугъа тут.
- Ана къойну – балагъа джандет.
- Джигер – джаннга къыйынлыкъ.
- Таукел адам тау тешер.
- Акъыл бла адеб эгизледиле.
- Ышармагъан – кюлмез, кюлмеген – къууанчны билмез.
- Ётюрюк хапар аякъ тюбю бла джюрюйдю.
- Джумушакъ сёз къаты таякъны сындырыр.
- Ётюрюкню башын керти кесер.
- Орну джокъну – сыйы джокъ.
- Къарнынг ауруса, ауузунгу тый
- Аш кетер да бет къалыр.
- Тил бла келеди джыр да.
- Керек ташны ауурлугъу джокъ.
- Къуллукъчума, деб махтанма, къуллукъ – хаух джамчыды!
- Байлыкъ тауусулур, билим тауусулмаз.
- Юйюнг бла джау болгъандан эсе, элинг бла джау бол.
- Татлы тилде – сёз ариу, чемер къолда – иш ариу.
- Ач къарным, тынч къулагъым.
- Ургъан суудан башынгы сакъла.
- Нёгерсизни джолу узун.
- Термилгенинги табмазса, кюлгенинге тюберсе.
- Уллу къашыкъ эрин джыртар.
- Ачлыкъда тары гырджын халыуадан татлы.
- Элге къуллукъ этмеген, элге ие болмаз.
- Мени джылытмагъан кюн, меннге тиймесин!
- Окъугъан – асыу, окъумагъан – джарсыу.
- Сёлеш деб шай берген, тохта деб, сом берген.
- Тюзню ётмеги тюзде къалса да, тас болмаз.
- Джаралыны джастыгъында сау ёлюр.
- Насыблы элин сюер, насыбсыз кесин сюер.
- Акъыллы башны – тили къысха.
- Тынгылагъан тынгы бузар.
- Элиб деген, элге болушур.
- Ач – эснер, ат – кишнер.
- Джарлыны тону джаз битер.
- Кёз – сюйген джерде, къол – ауругъан джерде.
- Кёл – къызбай, къол – батыр.
КъАРАЧАЙ-МАЛКЪАР ДЖАЗЫУЧУЛАГЪА
14.05.2011 05:57:28
Да бизни джазыучуланы асламысы алгъаракъ тёлюлени адамларыдыла, быллай технологияланя таный болмазла да
|
|
|
|
Читают тему (гостей: 1)