Джаш болсун, къыз болсун, акъылы, саны тюз болсун.
Кюл тюбюндеги от кёрюнмейди.
Тойчу джашха къарама, къойчу джашха къара.
Эл ауузу – элек, анга ийнаннган – халек.
Уллу айтханны этмеген – уллаймаз.
Къатын къылыкъсыз, эр тынчлыкъсыз.
Баш болса, бёрк табылыр.
Юре билмеген ит, къонакъ келтирир.
Эки элинги тыйсанг, джети элде махталырса.
Кёзден кетген, кёлден да кетеди.
Ишлегенден, къарагъан уста.
Мадар болса, къадар болур.
Кеси юйюмде мен да ханма.
Накъырда – кертини келечиси.
Кёзюнде тереги болгъан, чёбю болгъаннга кюле эди.
Адеб джокъда, намыс джокъ.
Чабакъ башындан чирийди.
Джол бла сёзню къыйыры джокъ.
Аз сёлешген, къайгъысыз турур.
Азыкъ аз болса, эртде орун сал.
Джигер – джаннга къыйынлыкъ.
Байдан умут эте, джарлыдан ёгюз багъасы къорады.
Ариу сёз джыланны орнундан чыгъарыр.
Тойгъан джерге джети къайт.
Биреуню къыйынлыгъы бла кесинге джол ишлеме.
Чабакъсыз кёлге къармакъ салгъанлыкъгъа, чабакъ тутмазса.
Бал чибинни ургъаны – ачы, балы – татлы.
Башы джабылгъан челекге, кир тюшмез.
Сакъ юйюне сау барыр.
Таякъ этден ётер, тил сюекден ётер.
Ишни аллы бла къууанма да, арты бла къууан.
Эрни эр этерик да, къара джер этерик да, тиширыуду.
Къарнынг бла ёч алма.
Келинин тута билмеген, къул этер, къызын тута билмеген, тул этер.
Мухар, кеси тойса да, кёзю тоймаз.
Суугъа – таянма, джаугъа – ийнанма.
Чалманны аллы къалай башланса, арты да алай барады.
Аман къатын сабий табса, бий болур…
Чыкълы кюнде чыкъмагъан, чыкъса къуру кирмеген.
Къанны къан бла джуума, аманны аман бла къуума.
Джыйырма къойну юч джыйырма эбзе кюте эди.
Къуллукъчума, деб махтанма, къуллукъ – хаух джамчыды!
Адам къаллай бир ишленмесе, аллай бир кесин уллу кёреди.
Урунуу – насыбны анасы.
Телиге акъыл салгъандан эсе, ёлгеннге джан салырса.
Сёз садакъдан кючлюдю.
Адамгъа аман кюн соруб келмейди.
Эр сокъур болсун, къатын тилсиз болсун.
Къарт болгъан джерде, берекет болур, сабий болгъан джерде, оюн болур.
Арбаз сайлама да, хоншу сайла.
