Къазанда болса, чолпугъа чыгъар.
Ашха уста, юйюнде болсун
Аурууну келиую тынч, кетиую – къыйын.
Хар сёзню орну барды.
Байлыкъдан саулукъ ашхыды.
Джукъу тёшек сайламайды.
Адам къаллай бир ишленмесе, аллай бир кесин уллу кёреди.
Эр абынмай, эл танымаз.
Окъумагъан сокъурду, сокъур ташха абыныр!
Ышармагъан – кюлмез, кюлмеген – къууанчны билмез.
Уллу атлама – абынырса, уллу къабма – къарылырса.
Ишленмеклик адамлыкъды.
Ханы къызы буюгъа-буюгъа киштик болду.
Болджал ишни бёрю ашар.
Билим насыб берир, билим джолну керир.
Сагъыш – къартлыкъгъа сюйюмчю.
Ётюрюк хапар аякъ тюбю бла джюрюйдю.
Онгсузну – джакъла, тенгликни – сакъла.
Чомарт къонакъ юй иесин сыйлар.
Керти сёзге тёре джокъ.
Татлы сёз – балдан татлы.
Абынмазлыкъ аякъ джокъ, джангылмазлыкъ джаякъ джокъ.
Юре билмеген ит, къонакъ келтирир.
Аджал соруб келмез, келсе, къайтыб кетмез.
Гугук кесини атын айтыб къычыргъанча, мен, мен деб нек тураса?
Соргъан айыб тюлдю, билмеген айыбды.
Терек ауса, отунчу – кёб.
Къанны къан бла джуума, аманны аман бла къуума.
Къая джолда джортма, ачыкъ сёзден къоркъма.
Сагъышы джокъ – джукъучу, акъылы джокъ – къаугъачы.
Бетинги сатма, малынгы сат.
Адамны сабийин сюйген джюреги, бычакъча, джитиди.
Бети – къучакълар, джюреги – бычакълар.
Ашхы – джыяр, аман – джояр.
Бал чибинни ургъаны – ачы, балы – татлы.
Адеб джокъда, намыс джокъ.
Тил – кесген бычакъ, сёз – атылгъан окъ.
Орундукъ тюбюнде атылсам да, орта джиликме, де да айлан.
Этни бети бла шорпасы.
Эки итни арасына сюек атма, эки адамны арасында сёз чыгъарма.
Ёпкелегенни ашы татлы болады.
Аман къатын алгъан, арыр, иги къатын алгъан джарыр.
Тешигини къатында, чычхан да батыр болур.
Къуру гыбыт бек дыгъырдар.
Элге къуллукъ этмеген, элге ие болмаз.
Къыз чыгъаргъан – къызыл къымжа.
Къарнынг бла ёч алма.
Джаралыны джастыгъында сау ёлюр.
Окъ къызбайны джокълайды.
Арбаз сайлама да, хоншу сайла.
