Кесинге джетмегенни, кёб сёлешме.
Окъдан джара эртде-кеч болса да бителир, сёз джара, ёмюрге къалыр.
Эм уллу байлыкъ – джан саулукъ.
Намысы болмагъанны, сыйы болмаз.
Биреу къой излей, биреу той излей.
Эринчекни аурууу – кёб.
Ариу сёз аурууунгу алыр.
Урама да – ёледи, сатама да – келеди.
Башда акъыл болмаса, эки аякъгъа кюч джетер.
Эшекге миннген – биринчи айыб, андан джыгъылгъан – экинчи айыб.
Чабакъсыз кёлге къармакъ салгъанлыкъгъа, чабакъ тутмазса.
Кёл ашады да, кеси ашады.
Эки къатын алгъан – эки ташны ортасына башын салгъан.
Тенги кёбню джау алмаз, акъылы кёбню дау алмаз.
Ёлген ийнек сютлю болур.
Ашлыкъны арба юйге келтирир, чана базаргъа элтир.
Хантына кёре тузу, юйюне кёре къызы.
Атынг аманнга чыкъгъандан эсе, джанынг тамагъынгдан чыкъсын.
Иги бла джюрюсенг, джетерсе муратынга, аман бла джюрюсенг, къалырса уятха.
Телиге от эт десенг, юйюнге от салыр.
Суугъа – чабакъ, къаягъа – ыргъакъ.
Сёз сёзню айтдырыр.
Айтхан сёзюне табылгъан.
Эрни эр этерик да, къара джер этерик да, тиширыуду.
Къумурсхала джыйылсала, пилни да джыгъадыла.
Арба аугъандан сора, джол кёргюзтюучю кёб болур.
Орну джокъну – сыйы джокъ.
Ач къарным, тынч къулагъым.
Къонагъы джокъну – шоху джокъ.
Ашхы сёз таш тешер.
Нафысынгы айтханын этме, намысынгы айтханын эт.
Къонакъ аман болса, къонакъбай джунчур
Хатерли къул болур.
Суу ичген шауданынга тюкюрме.
Аууз сакълагъан – джан сакълар.
Джангызны оту джарыкъ джанмаз!
Адеб джокъда, намыс джокъ.
Босагъа таш юйге кирмей эди, тыбыр таш эшикге чыкъмай эди.
Бети бедерден, намыс сакълама.
Башсыз урчукъ тюзюне айланмаз.
Башынга джетмегенни сорма.
Къазанны башы ачыкъ болса, итге уят керекди.
Эшекни не къадар тюйсенг да, ат болмаз.
Агъач – джерни чырайы, кийим – эрни чырайы.
Ашатыргъа иш – ашхы, ишлетирге аш – ашхы.
Адеб этмеген, адеб кёрмез.
Джарлыны эшигин махтагъан джабар.
Къазанда болса, чолпугъа чыгъар.
Мухардан ач ычхынмаз.
Сакъалы текени да бар, мыйыгъы киштикни да бар.
