- Къайгъыны сюйген, къайгъы табар.
- Ойнай билмеген, уруб къачар.
- Джашлыкъ этмеген, башлыкъ этмез.
- Эшекни не къадар тюйсенг да, ат болмаз.
- Аман адам элни бир-бирине джау этер.
- Эки къатын алгъанны къулагъы тынгнгаймаз.
- Акъыл сабырлыкъ берир.
- Мухардан ач ычхынмаз.
- Ариу сёз аурууунгу алыр.
- Чакъырылмай келген къонакъ сыйланмай кетер.
- Ёзденликни джайгъан – джокълукъ.
- Окъумагъан сокъурду, сокъур ташха абыныр!
- Бастасын ашагъан, хантусун да ичер.
- Ётюрюк хапар аякъ тюбю бла джюрюйдю.
- Юре билмеген ит, къонакъ келтирир.
- Уллу сёлешме да, уллу къаб.
- Аман къатын сабий табса, бий болур…
- Окъугъан озар, окъумагъан тозар.
- Таш ата билмеген, башына урур.
- Миллетни бойну – базыкъ, аны бла кюрешген – джазыкъ.
- Къая джолда джортма, ачыкъ сёзден къоркъма.
- Акъыллы эркиши атын махтар, акъылсыз эркиши къатынын махтар.
- Тюкюрюк баш джармаз, налат кёз чыгъармаз!
- Акъыллы – эл иеси, тели – эл баласы.
- Баланы адам этген анады.
- Къуру гыбыт бек дыгъырдар.
- Ашлыкъ – бюртюкден, джюн – тюкден.
- Къарнынг тойгъунчу аша да, белинг талгъынчы ишле.
- Къонакъ хазыр болгъанлыкъгъа, къонакъбай хазыр тюлдю.
- Сормай – алма, чакъырылмай – барма.
- Онгсузну – джакъла, тенгликни – сакъла.
- Арыгъан къош чамчы болур.
- Адам къаллай бир ишленмесе, аллай бир кесин уллу кёреди.
- Тешик этген тынчды, аны джамагъан къыйынды.
- Гитче джилтин уллу элни джандырыр.
- Айранын берсенг, челегин да къызгъанма.
- Кесинге джетмегенни, кёб сёлешме.
- Адамны бетине къарама, адетине къара.
- Сакъ юйюне сау барыр.
- Уллу къазанда бишген эт, чий къалмаз.
- Эрине къаргъыш этген къатын, эрнин къабар.
- Джукъу тёшек сайламайды.
- Къан бла кирген, джан бла чыгъар.
- Тил – кесген бычакъ, сёз – атылгъан окъ.
- Ана къолу ачытмаз.
- Бети къызарыучу адамны, джюреги харам болмаз.
- Джаш къарыу бла кючлю, къарт акъыл бла кючлю.
- Махтаннган къыз, тойда джукълар.
- Этим кетсе да, сюегим къалыр.
- Гугук кесини атын айтыб къычыргъанча, мен, мен деб нек тураса?
И где обещанная книга?
21.02.2009 03:55:23
и???
|
||||
|
|
|||
Читают тему (гостей: 1)