- Ёлмесенг да, къарт дамы болмазса?
- Къумурсхала джыйылсала, пилни да джыгъадыла.
- Къуру гыбыт бек дыгъырдар.
- Зар адамны насыбы болмаз.
- Къуллукъчума, деб махтанма, къуллукъ – хаух джамчыды!
- Эл ауузу – элек, анга ийнаннган – халек.
- Сёз сёзню айтдырыр.
- Къууут – джелге, берне – бошха.
- Этни бети бла шорпасы.
- Насыб бютеу халкъны юлюшюдю.
- Джашлыкъ этмеген, башлыкъ этмез.
- Башы ишлегенни, ауузу да ишлер.
- Къартха ушагъан джаш – акъыллы, джашха ушагъан къарт – тели.
- Келгинчи, къонакъ уялыр, келгенден сора, къонакъбай уялыр.
- Биреуню къыйынлыгъы бла кесинге джол ишлеме.
- Айныгъанлы алты кюн, тогъайгъанлы тогъуз кюн.
- Экиндини кеч къылсанг, чабыб джетер ашхам.
- Ойнаб айтсанг да, эслеб айт.
- Босагъагъа джууукъ орун болса, ашыгъыб тёрге озма.
- Ач – эснер, ат – кишнер.
- Къыз келсе, джумуш эте келеди, къатын келсе, ушакъ эте келеди.
- Билимли ёлмез, билимсиз кёрмез.
- Юйлю уругъа ит чабмаз.
- Баш – акъыл ючюн, акъылман – халкъ ючюн.
- Ойнай-ойнай кёз чыгъар.
- Къарнынг къанлынга кийирир.
- Джангыз торгъай джырламаз.
- Къан бла кирген, джан бла чыгъар.
- Къатын къылыкъсыз, эр тынчлыкъсыз.
- Шекер бла туз – бир болмаз, ушамагъан – юй болмаз.
- Тюкюрюк баш джармаз, налат кёз чыгъармаз!
- Адамгъа аман кюн соруб келмейди.
- Джыйырма къойну юч джыйырма эбзе кюте эди.
- Телини эшигин, махтау джабар.
- Сабийликде юретмесенг, уллу болса – тюзелмез.
- Айраннга суу къош, телиге джол бош.
- Кийиминг бла танылма, адамлыкъ бла таныл.
- Юре билмеген ит, къонакъ келтирир.
- Кирсизни – саны таза, халалны – къаны таза.
- Махтаннган къыз, тойда джукълар.
- Тил джюрекге джол ишлейди.
- Адебсиз адам – джюгенсиз ат.
- Аллахха ийнаннган кишини, Аллах онгдурур ишин.
- Тойгъан антын унутур.
- Киштикге къанат битсе, чыпчыкъ къалмаз эди.
- Тилчиден кери бол.
- Джырына кёре эжиую.
- Мураты болгъанны джюрек тебюую башхады.
- Битмегеннге сакъал – танг.
- Аш кетер да бет къалыр.
