- Къралынгы – душмандан, башынгы от бла суудан сакъла.
- Аман къатын алгъан, арыр, иги къатын алгъан джарыр.
- Итли къонакъ джарашмаз.
- Джаш къарыу бла кючлю, къарт акъыл бла кючлю.
- Джылар джаш, атасыны сакъалы бла ойнар.
- Тюз сёз баргъан сууну тыяр.
- Ётюрюкчюню шагъаты – къатында.
- Аллахха ийнаннган кишини, Аллах онгдурур ишин.
- Татлы тилде – сёз ариу, чемер къолда – иш ариу.
- Джарлы эскисин джамаса, къууаныр.
- Къатын байлыкъны сюер, эр саулукъну сюер.
- Мадар болса, къадар болур.
- Ким бла джюрюсенг, аны кёзю бла кёрюнюрсе.
- Ауузу бла къуш тута айланады.
- Ата Джуртуму башы болмасам да, босагъасында ташы болайым.
- Гырджын – тепсини тамадасы.
- Эртде тургъан бла эртде юйленнген сокъуранмаз.
- Аджашхан тёгерек айланыр.
- Ишленмеген джаш – джюгенсиз ат, ишленмеген къыз – тузсуз хант.
- Чакъырылмагъан джерге барма, чакъырылгъан джерден къалма.
- Баш болса, бёрк табылыр.
- Тойгъан джерден туугъан джер игиди.
- Кёпюр салгъан кеси ётер, уру къазгъан кеси кетер.
- Ашхы тенг джолгъа салыр, аман тенг джолдан тайдырыр.
- Баргъанынга кёре болур келгенинг.
- Адамны бетине къарама, адетине къара.
- Ашарыкъда сайлагъаннга – чий гырджын.
- Урунуу – насыбны анасы.
- Тамчы таш тешер.
- Игиге айтсанг – билир, аманнга айтсанг – кюлюр.
- Ёнгкюч къууана барыр, джылай келир.
- Джогъун бар этген, барын бал этген.
- Эл элде бирер малынг болгъандан эсе, бирер тенгинг болсун.
- Къарнынг ауруса, ауузунгу тый
- Сууда джау джокъ, кёб сёзде магъана джокъ.
- Акъылсызны джууукъгъа алма, акъыллыны кенгнге салма.
- Эте билген, этген этеди, эте билмеген, юретген этеди!
- Чакъырылмай келген къонакъ сыйланмай кетер.
- Къартны сыйын кёрмеген, къартлыгъында сыйлы болмаз.
- Ёлген аслан – сау чычхан.
- Бёрю да ач къалмасын, эчки да ашалмасын.
- Ариу джол аджал келтирмез.
- Адеб этмеген, адеб кёрмез.
- Керилген да, ургъан кибикди.
- Ишлегенде эринме, ишде чолакъ кёрюнме.
- Бир онгсуз адам адет чыгъарды, деб эштирик тюлсе.
- Сёз къанатсыз учар.
- Ётюрюк хапар аякъ тюбю бла джюрюйдю.
- Къонакъ болсанг, ийнакъ бол.
- Юй ишлеген балта эшикде къалыр.