- Аш иеси бла татлыды.
- Ата Джуртун танымагъан, атасын да танымаз.
- Башы ишлегенни, ауузу да ишлер.
- Тай асырагъан, атха минер.
- Керилген да, ургъан кибикди.
- Юре билмеген ит, къонакъ келтирир.
- Кёб къычыргъандан – къоркъма, тынч олтургъандан – къоркъ.
- Ханнга да келеди хариблик.
- Берекет берсин деген джерде, берекет болур.
- Къазанны башы ачыкъ болса, итге уят керекди.
- Ауругъанны сау билмез, ач къарынны токъ билмез.
- Кёзю сокъурдан – къоркъма, кёлю сокъурдан – къоркъ.
- Игилик игилик бла сингдирилиучю затды.
- Ариу сёз аурууунгу алыр.
- Кёбню кёрген – кёб билир.
- Акъыллы башны – тили къысха.
- Телиге акъыл салгъандан эсе, ёлгеннге джан салырса.
- Тойну къарнашы – харс, джырны къарнашы – эжиу.
- Тил джюрекге джол ишлейди.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Къулакъдан эсе, кёзге ышан.
- Ата джурт – алтын бешик.
- Олтуруб кёрюнмей эди да, ёрге туруб кёрюне эди.
- Ёлюк кебинсиз къалмаз.
- Акъыл бла адеб эгизледиле.
- Кёз – сюйген джерде, къол – ауругъан джерде.
- Акъыллы – эл иеси, тели – эл баласы.
- Азыкълы ат арымаз, къатыны аман джарымаз.
- Бал ашаргъа сюе эсенг, чибин ургъаннга тёз.
- Къан бла кирген, джан бла чыгъар.
- Ёксюзню тилеги къабыл болур.
- Сагъыш – къартлыкъгъа сюйюмчю.
- Чабакъгъа акъыл, табагъа тюшсе келеди.
- Тенгни тенглиги джашай барсанг билинир.
- Къанны къан бла джуума, аманны аман бла къуума.
- Билим насыб берир, билим джолну керир.
- Адеб базарда сатылмаз.
- Кесинге джетмегенни, кёб сёлешме.
- Ёмюрлюк шохлукъну джел элтмез.
- Ишленмеклик адамлыкъды.
- Керек ташны ауурлугъу джокъ.
- «Ма», - дегенни билмесенг, «бер», - дегенни билмезсе.
- От кюйдюрген, сау болса да, тот кюйдюрген, сау болмаз.
- Таукел къуру къалмаз.
- Телини эшигин, махтау джабар.
- Аш кетер да бет къалыр.
- Чомарт бергенин айтмаз.
- Юреннген ауруу къалмаз.
- Ашыкъгъан cуу, тенгизге джетмез.
- Тойгъа алгъа да барма, тойда артха да къалма.