- Гырджын – тепсини тамадасы.
- Тойгъан джерге джети къайт.
- Насыб бютеу халкъны юлюшюдю.
- Бетинги сатма, малынгы сат.
- Ашда уялгъан – мухар, ишде уялгъан – хомух.
- Къумурсхала джыйылсала, пилни да джыгъадыла.
- Киштикге къанат битсе, чыпчыкъ къалмаз эди.
- Джюрекден джюрекге джол барды.
- Асхат ашлыкъ сата, юйдегиси ачдан къата.
- Окъдан джара эртде-кеч болса да бителир, сёз джара, ёмюрге къалыр.
- Ургъан суудан башынгы сакъла.
- Эри аманны, къатыны – аман.
- Тамырсыз терекге таянма – джыгъылырса.
- Бюгюн дуния кибик, тамбла ахыратды.
- Джаз бир кюнню джатсанг, къыш талай кюнню абынырса.
- Бет бетге къараса, бет да джерге къарар.
- Тилчи бир сагъатха айлыкъ хата этер.
- Башда акъыл болмаса, эки аякъгъа кюч джетер.
- Билген билмегенни юретген адетди.
- Тюзлюк тас болмайды.
- Арба аугъандан сора, джол кёргюзтюучю кёб болур.
- Ышармагъан – кюлмез, кюлмеген – къууанчны билмез.
- Суугъа – таянма, джаугъа – ийнанма.
- Терек ауса, отунчу – кёб.
- Чабар ат – джетген къыз.
- Эки элинги тыйсанг, джети элде махталырса.
- Ёксюзню тилеги къабыл болур.
- Чыбыкълыкъда бюгюлмеген, къазыкълыкъда бюгюлмей эди.
- Илму – джашауну джолу.
- Борчунг бар эсе, хурджунунга ойлаб узал.
- Биреу ашаб къутулур, биреу джалаб тутулур.
- Ауузу аманнга «иги», деме.
- Акъыл неден да кючлюдю.
- Сагъыш – къартлыкъгъа сюйюмчю.
- Чомарт джарлы болмаз.
- Къолу уллу – асыу, аягъы уллу – джарсыу.
- Келгинчи, къонакъ уялыр, келгенден сора, къонакъбай уялыр.
- Башынга джетмегенни сорма.
- Таукелге нюр джауар.
- Ашатыргъа иш – ашхы, ишлетирге аш – ашхы.
- Алгъанда – джууукъ, бергенде – джау.
- Экеу тутушса, биреу джыгъылыр.
- Джаным-тиним – окъуу, билим.
- Акъыл аздырмаз, билим тоздурмаз.
- Таула не мийик болсала да, аууш табылыр.
- Адам къаллай бир ишленмесе, аллай бир кесин уллу кёреди.
- Окъугъан – асыу, окъумагъан – джарсыу.
- Сибиртки да сыйлы болду, кюрек да кюнлю болду.
- Абынмазлыкъ аякъ джокъ, джангылмазлыкъ джаякъ джокъ.
- Тай асырагъан, атха минер.
