- Зар адам ашынгы ашар, кесинги сатар.
- Таукел къуру къалмаз.
- Тилчи тилден къаныкъмаз.
- Окъугъан озар, окъумагъан тозар.
- Термилгенинги табмазса, кюлгенинге тюберсе.
- Алгъанда – джууукъ, бергенде – джау.
- Нафысынгы айтханын этме, намысынгы айтханын эт.
- Джюрек кёзден алгъа кёрюр.
- Ётюрюкню башын керти кесер.
- Къарнынг ауруса, ауузунгу тый
- Шекер бла туз – бир болмаз, ушамагъан – юй болмаз.
- Гитче джилтин уллу элни джандырыр.
- Намыс сатылыб алынмайды.
- Ёлмесенг да, къарт дамы болмазса?
- Ашына кёре табагъы, балына кёре къалагъы.
- Ишни ахырын ойламай, аллын башлама.
- Тюкюрюк баш джармаз, налат кёз чыгъармаз!
- Тюзлюк тас болмайды.
- Къарт бла баш аша, джаш бла аякъ аша.
- Къая джолда джортма, ачыкъ сёзден къоркъма.
- Джарлы джети элни сёзюн этер.
- Тамырсыз терекге таянма – джыгъылырса.
- Ёзденликни кёбю ётюрюк.
- Айтхан сёзюне табылгъан.
- Чыкълы кюнде чыкъмагъан, чыкъса къуру кирмеген.
- Ач отунчуну ачыуу – бурнунда.
- Кесинг сынамагъан затны, адамгъа буюрма.
- Азыгъы аз, алгъа къабар, аты аман, алгъа чабар.
- Миллетни бойну – базыкъ, аны бла кюрешген – джазыкъ.
- Джыгъылгъанны сырты джерден тоймаз.
- Тик ёргени, тик энгишгеси да болады.
- Адамны сыфатына къарама, сёзюне къара.
- Сангырау къулакъ эл бузар.
- Ойнаб айтсанг да, эслеб айт.
- Элиб деген, элге болушур.
- Къанны къан бла джуума, аманны аман бла къуума.
- Ариу сёз – къылычдан джити.
- Адебсиз адам – джюгенсиз ат.
- Ачылгъан эт джабылыр, кёрген кёз унутмаз.
- Ана – юйню кюн джарыгъы.
- Уясында не кёрсе, учханында аны этер.
- Этни да ашады, бетни да ашады.
- Къонагъынгы артмагъын алма да, алгъышын ал.
- Ашхы – джыяр, аман – джояр.
- Орну джокъну – сыйы джокъ.
- Акъыллы айтыр эди, акъылсыз къоймайды.
- Къызбайны юйюне дери сюрсенг, батыр болур.
- Сыфатында болмагъаны, суратында болмаз.
- Адеб джокъда, намыс джокъ.
- Аллахха ийнаннган кишини, Аллах онгдурур ишин.
