Войти на сайт
26 Мая 2022 года

 

  • Сютню башын джалагъан къутулур, тюбюн ичген тутулур.
  • Аллахха ийнаннган кишини, Аллах онгдурур ишин.
  • Тенгни тенглиги джашай барсанг билинир.
  • Элни кючю – эмеген.
  • Юреннген ауруу къалмаз.
  • Джумушакъ терекни къурт ашар.
  • Арбаз къынгырды да, ийнек сауалмайма.
  • Чомартны къолун джокълукъ байлар.
  • Тил – кесген бычакъ, сёз – атылгъан окъ.
  • Кёкдеги болмаса, джердегин кёрмейди.
  • Мал кёб болса, джууукъ кёб болур.
  • Насыблыны баласы кюн кюнден да баш болур, насыбсызны баласы, кюн кюнден да джаш болур.
  • Эринчекге кюн узун.
  • Зар адамны насыбы болмаз.
  • Ёлген ийнек сютлю болур.
  • Окъуусуз билим – джокъ, билимсиз кюнюнг – джокъ.
  • Ургъан суудан башынгы сакъла.
  • Адам туугъан джеринде, ит тойгъан джеринде.
  • Тау башында, тау болмаз, джангыз терек, бау болмаз.
  • Джыгъылгъанны сырты джерден тоймаз.
  • Тик ёргени, тик энгишгеси да болады.
  • Ач бёрюге мекям джокъ.
  • Джылкъыдан – ат чыгъар, тукъумдан – джаш чыгъар.
  • Биреуге кёлтюрген таягъынг, кесинги башынга урур.
  • Суу кетер, таш къалыр.
  • Кёб ант этген, кёб ётюрюк айтыр.
  • Айранын берсенг, челегин да къызгъанма.
  • Айтханы чапыракъдан ётмеген.
  • Ётюрюк хапар аякъ тюбю бла джюрюйдю.
  • Таугъа чыгъаллыкъ эсенг, тюзде къалма.
  • Ачылгъан эт джабылыр, кёрген кёз унутмаз.
  • Эки ойлашыб, бир сёлешген.
  • Тешик этген тынчды, аны джамагъан къыйынды.
  • Джарлы эскисин джамаса, къууаныр.
  • Накъырда – кертини келечиси.
  • Юре билмеген ит, къонакъ келтирир.
  • Къайгъыны сюйген, къайгъы табар.
  • Кечеси – аяз, кюню – къыш, джарлы къаргъагъа бир аш тюш!
  • Тыш элде солтан болгъандан эсе, кесинги элде олтан болгъан игиди!
  • Башы ишлегенни, ауузу да ишлер.
  • Айырылгъанланы айю ашар, бёлюннгенлени бёрю ашар.
  • Эртде тургъан джылкъычыны эркек аты тай табар.
  • Садакъачыны джаны – къапчыгъында.
  • Аджашхан тёгерек айланыр.
  • Ашда – бёрю, ишде – ёлю.
  • Кесинг сынамагъан затны, адамгъа буюрма.
  • Ауузу аманнга «иги», деме.
  • Чёбню кёлтюрсенг, тюбюнден сёз чыгъар.
  • Чомарт бергенин айтмаз.
  • Уллу сёлешме да, уллу къаб.

 

Архив Форума » Зеленый Форум [архив] » - ЗФ - Объявления
Страницы: Пред. 1 2 3 След.
RSS
Къулийланы Къайсынны эсгере.
 
#26
Джаратама0
22.11.2011 15:44:19
Къайсынны чыгъармачылыгъыны кёп бутакълы уллу терегинеча къарасакъ, аны ариу чакъгъан бутакъларындан бири таулу тиширыуну сыфатыды. Поэт тиширыуну бийик жулдузлагъа тенг этгенди.
Тиширыу ? анагъа, эгечге, жан дарманына ? сюйген адамына, багъалагъан адамларына.
Къайсынны закийлиги, адамлыгъы, чынтты таулулугъу, баям, аны огъурлу анасыны сютю бла берилген болур. Андан айтханды ол "Анасы барны жюрегинде чыракъ жанады", - деп.
Ана!.. Мени анам! ? Жылыу берген, хычыуун, багъалы, огъурлу сёзле.

Белгили назмучубуз, назмучуланы союзларыны келечиси Болатланы Юруслан

 
 
 
#27
Джаратама0
22.11.2011 16:12:45
Къайсын сабийлени бек сюйгенди, алагъа атап кёп назму жазгъанды. Окъуучула бла, студентле бла да кёп кере тюбешгенди, адабият ингирле къурагъанды. Сабийча къууаннганды, кёлю толгъанды, ёрге сюелип алай тынгылагъанды.

Бизни ингирибизге да сабийчикле назмула хазырлап келген эдиле.

Нальчик шахарны 2-чи лицейни Беккийланы Жанна хазырлап, Джаппуланы Зулейха "Къара ат акъ къарда ёледи", "Пусть никогда не умирают дети" деген назмуланы окъугъанды.

МОУ СОШ ?30 г. Нальчик. Малкъар тил бла адабиятны устазлары Мусукланы Жанна бла Тогузаланы Зульфия хазырлагъандыла.

МОУ СОШ с. Звездныйден кесини сохталары бла Газайланы Эльвира келгенди, назмула да окъугъандыла.

МОУ СОШ ?11 г. Нальчик. Малкъар тилни бла адабиятны устазы Асанланы Мариям хазырлагъанды
 
 
 
#28
Джаратама0
22.11.2011 16:13:17
 
 
 
#29
Джаратама0
22.11.2011 16:13:28
 
 
 
#30
Джаратама0
22.11.2011 16:13:39
 
 
 
#31
Джаратама0
22.11.2011 16:13:58
 
 
 
#32
Джаратама0
22.11.2011 16:14:07
 
 
 
#33
Джаратама0
22.11.2011 16:14:23
 
 
 
#34
Джаратама0
22.11.2011 16:14:34
 
 
 
#35
Джаратама0
22.11.2011 16:15:48
 
 
 
#36
Джаратама0
22.11.2011 16:17:33
 
 
 
#37
Джаратама0
22.11.2011 16:18:11
МОУ СОШ с. Кашхатаудан да келгендиле къонакъла. Назмуланы ариу окъуп, кесине сейирсиндирип тынгылатханды Гуппойланы Самат



 
 
 
#38
Джаратама0
22.11.2011 16:20:32
 
 
 
#39
Джаратама0
22.11.2011 16:31:28
Ах, мираж не спиши кесибизни жашчыгъыбызны юсюнден кесим айтайым!!!кашхатаучу фахмулу жашыбызны Саматчыкъны юсюнден! Алай окъугъандан эсе кесигиз бир кёрюгюз!
 
 
 
#40
Джаратама0
22.11.2011 16:32:13
 
 
 
#41
Джаратама0
22.11.2011 16:32:27
Къайсынны юсюнден аны къалам къарындашлары айтхан сёзле:

Андрей Тарковский: "Къайсын Кулиев - поэт небольшого народа, вышедший на общечеловеческое поприще поэзии. Къайсын Кулиев говорит от лица своего народа. Он поэт всего мира..."

Левон Мкртчян: "Къайсын Кулиев был личностью неординарной. Несмотря на превратности судьбы, он был человеком цельным, не утратившим редкую в наши дни душевную щедрость, горячую душевную привязанность к людям".

Чингиз Айтматов: "Жизнь и поэзия Къайсына Кулиева нерасторжимы. Книга судьбы, какую он оставил нам, - "свиток верный", к которому, уверен, будут обращаться как "старые", так и новые друзья поэта, утешая его любовью. А сами, в свою очередь, будут находить в ней непреходящие уроки мужества, благородства и чести".

Назмучуланы ичинде аны белгили шуёху, Калмыкияны закий поэти Кугультинов Давид Къайсынны юсюнден алай айтханды:

 
 
 
#42
Джаратама0
22.11.2011 17:33:53
Къулийланы Къайсынны юсюнден бюгюнлюкде махтау сёз айтыр кереклиси жокъду. Бек бийик махтау, ыспас да жамауат кеси этеди. Алай, айтмай къояргъа жарамаз, ноябрни 1-де Чегем шахарда Къулийланы Къайсынны музейинде сайтны презентациясы болгъан эди. "Энергия созидания" деген фондуну келечилери тынгылы хапар айтып, сайтны да кёргюзтген эдиле. Ол ахшы хапаргъа алайгъа жыйылгъанла бек къууаннганларын билдиргендиле. Аны юсю бла биз бу ишге къатышхан адамлагъа уллу ыспас этебиз, энтта бир кере жюрек ыразылыгъыбызны билдиребиз. Бу ингирде сайтны юсюнден тынгылы хапар эм да ёсюп келген жаш тёлюге насийхат сёзлерин Чегемде Къулийланы Къайсын атлы музейни таматасы - Къулийланы Фатима бла "Энергия созидания" фондну таматысы Жангуразланы Магомед айтхандыла

 
 
 
#43
Джаратама0
22.11.2011 17:55:14
Уруш заманланы кезиуюнде эм да илму фахмусу шартын, Къулийланы Къайсын бек кеп къырал жетишимлеге жетгенди. СССР-ни Асалезни бегими бла, Къулийланы Къайсын Сталинград шахарны батырлыкъ бла къоруулагъаны ючюн майдал бла саугъаланнганды. 1944 жылда Ата журт урушну 2-чи даражалы ордени берилгенди, 60-чы жыллада СССР-ни баш кенгешине сайланнганды. Къайсын юч къат Ленинни саугъасына тежеленнген эди, алай болгъанлыкъгъа кёп чырмаугъа тюбегенди. Аны юсюнден башкирли назмучу эм драматург Назмутдинланы Назар Къайсын шуёхуна былай жазгъан эди: "... Сени "Жер атлы китабынг" бек уллу саугъагъа тийишлиди. Мени оюмума кере, бу жол санга чырмау этмезле. Аны ючюн бек сау бол!..."
Къулийланы Къайсынны чыгъармачылыкъ ишине къарындаш миллетле да бек уллу эс бергендиле. Армения бла Къыргъызстанда "Чемерлик бла культураны сыйлы устасы" деген ат берилген эди.
Къулийланы Къайсын ? Къабарты-Малкъарны халкъ поэти - 1966ж. "Жаралы таш" деген китабы ючюн РСФСР-ни М.Горький атлы саугъасына; 1974ж. "Жер китабы" ючюн СССР-ни къырал саугъасына; 1985ж., ол дуниядан кетгенден сора, "Адам. Терек. Къанатлы" деген назму китабы ючюн Ленинчи саугъагъа тийишли болгъанды.
 
 
 
#44
Джаратама0
22.11.2011 17:57:22
Сабийлеге саугъала

 
 
 
#45
Джаратама0
22.11.2011 17:57:51
 
 
 
#46
Джаратама0
22.11.2011 17:58:10
 
 
 
#47
Джаратама0
22.11.2011 18:06:24
мираж
Бек развернутый хапар джаздынг! Сау бол!

З.Ы. Общая фотка - супер
 
 
 
#48
Джаратама0
23.11.2011 09:59:08
какие у нас замечательные детки
 
 
 
#49
Джаратама0
23.11.2011 10:10:04
Дитя гор
сау бол!
 
 
 
#50
Джаратама0
23.11.2011 10:10:27
 
 
 
Страницы: Пред. 1 2 3 След.
Читают тему (гостей: 3)

 

Написать нам

Фонд «Содействие развитию карачаево-балкарской молодежи «Эльбрусоид»

© 2003-2022 Elbrusoid.org  |  Все права защищены Законами Гор.