Войти на сайт
28 Марта  2024 года

 

  • Ойнай-ойнай кёз чыгъар.
  • Башланнган иш битер, къымылдагъан тиш тюшер.
  • Ашыкъгъан cуу, тенгизге джетмез.
  • Къонакъ кёб келюучю юйню, къазаны отдан тюшмез.
  • Бёрю да ач къалмасын, эчки да ашалмасын.
  • Босагъа таш юйге кирмей эди, тыбыр таш эшикге чыкъмай эди.
  • Намысы джокъну – дуниясы джокъ.
  • Джаз бир кюнню джатсанг, къыш талай кюнню абынырса.
  • Къанны къан бла джуума, аманны аман бла къуума.
  • Айтылгъан сёз ызына къайтмаз.
  • Къонакъны къачан кетерин сорма, къачан келлигин сор.
  • Ушамагъан – джукъмаз.
  • Ач да бол, токъ да бол – намысынга бек бол.
  • Бермеген къол, алмайды.
  • Халкъны юйю – туугъан джери.
  • Атадан ёксюз – бир ёксюз, анадан ёксюз – эки ёксюз.
  • Бир абыннган – минг сюрюнюр.
  • Эртде тургъан бла эртде юйленнген сокъуранмаз.
  • Иги болса, тамадама – махтау, аман болса, меннге – айыб.
  • От кюйдюрген, сау болса да, тот кюйдюрген, сау болмаз.
  • Джюрекден джюрекге джол барды.
  • Айранны сюйген, ийнек тутар.
  • Айраннга суу къош, телиге джол бош.
  • Элиб деген, элге болушур.
  • Берекет берсин деген джерде, берекет болур.
  • Дуния мал дунияда къалады.
  • Эри аманны, къатыны – аман.
  • Таугъа чыгъаллыкъ эсенг, тюзде къалма.
  • Юйюнг бла джау болгъандан эсе, элинг бла джау бол.
  • Терслик кетер, тюзлюк джетер.
  • Юй кюйдю да, кюйюз чыкъды, ортасындан тюйюш чыкъды.
  • Кийимни бир кюнню аясанг, минг кюннге джарар.
  • Баргъанынга кёре болур келгенинг.
  • Айранын берсенг, челегин да къызгъанма.
  • Биреуге аманлыкъны тилеме да, кесинге ашхылыкъны тиле.
  • Къарт айтханны этмеген, къартаймаз.
  • Ата Джуртча джер болмаз, туугъан элча эл болмаз.
  • Кенгеш болса, уруш болмаз.
  • Хар сёзню орну барды.
  • Адебни адебсизден юрен.
  • Джылыгъа джылан илешир.
  • Джылкъыдан – ат чыгъар, тукъумдан – джаш чыгъар.
  • Уллу къазанда бишген эт, чий къалмаз.
  • Къатын къылыкъсыз, эр тынчлыкъсыз.
  • Халкъны джырын джырласанг, халкъ санга эжиу этер.
  • Ашхы адам – халкъ байлыгъы, ашхы джер – джашау байлыгъы.
  • Джигер – джаннга къыйынлыкъ.
  • Огъурлуну сёзю – суу, огъурсузну сёзю – уу.
  • Кюл тюбюндеги от кёрюнмейди.
  • Сакъламагъан затынга джолукъсанг, не бек къууанаса, не бек ачыйса.

 

Страницы: Пред. 1 2 3 След.
RSS
Къулийланы Къайсынны эсгере.
 
Къайсынны чыгъармачылыгъыны кёп бутакълы уллу терегинеча къарасакъ, аны ариу чакъгъан бутакъларындан бири таулу тиширыуну сыфатыды. Поэт тиширыуну бийик жулдузлагъа тенг этгенди.
Тиширыу ? анагъа, эгечге, жан дарманына ? сюйген адамына, багъалагъан адамларына.
Къайсынны закийлиги, адамлыгъы, чынтты таулулугъу, баям, аны огъурлу анасыны сютю бла берилген болур. Андан айтханды ол "Анасы барны жюрегинде чыракъ жанады", - деп.
Ана!.. Мени анам! ? Жылыу берген, хычыуун, багъалы, огъурлу сёзле.

Белгили назмучубуз, назмучуланы союзларыны келечиси Болатланы Юруслан

 
Къайсын сабийлени бек сюйгенди, алагъа атап кёп назму жазгъанды. Окъуучула бла, студентле бла да кёп кере тюбешгенди, адабият ингирле къурагъанды. Сабийча къууаннганды, кёлю толгъанды, ёрге сюелип алай тынгылагъанды.

Бизни ингирибизге да сабийчикле назмула хазырлап келген эдиле.

Нальчик шахарны 2-чи лицейни Беккийланы Жанна хазырлап, Джаппуланы Зулейха "Къара ат акъ къарда ёледи", "Пусть никогда не умирают дети" деген назмуланы окъугъанды.

МОУ СОШ ?30 г. Нальчик. Малкъар тил бла адабиятны устазлары Мусукланы Жанна бла Тогузаланы Зульфия хазырлагъандыла.

МОУ СОШ с. Звездныйден кесини сохталары бла Газайланы Эльвира келгенди, назмула да окъугъандыла.

МОУ СОШ ?11 г. Нальчик. Малкъар тилни бла адабиятны устазы Асанланы Мариям хазырлагъанды
 
 
 
 
 
 
 
 
 
 
МОУ СОШ с. Кашхатаудан да келгендиле къонакъла. Назмуланы ариу окъуп, кесине сейирсиндирип тынгылатханды Гуппойланы Самат



 
 
Ах, мираж не спиши кесибизни жашчыгъыбызны юсюнден кесим айтайым!!!кашхатаучу фахмулу жашыбызны Саматчыкъны юсюнден! Алай окъугъандан эсе кесигиз бир кёрюгюз!

 
 
Къайсынны юсюнден аны къалам къарындашлары айтхан сёзле:

Андрей Тарковский: "Къайсын Кулиев - поэт небольшого народа, вышедший на общечеловеческое поприще поэзии. Къайсын Кулиев говорит от лица своего народа. Он поэт всего мира..."

Левон Мкртчян:
"Къайсын Кулиев был личностью неординарной. Несмотря на превратности судьбы, он был человеком цельным, не утратившим редкую в наши дни душевную щедрость, горячую душевную привязанность к людям".

Чингиз Айтматов: "Жизнь и поэзия Къайсына Кулиева нерасторжимы. Книга судьбы, какую он оставил нам, - "свиток верный", к которому, уверен, будут обращаться как "старые", так и новые друзья поэта, утешая его любовью. А сами, в свою очередь, будут находить в ней непреходящие уроки мужества, благородства и чести".

Назмучуланы ичинде аны белгили шуёху, Калмыкияны закий поэти Кугультинов Давид Къайсынны юсюнден алай айтханды:

 
Къулийланы Къайсынны юсюнден бюгюнлюкде махтау сёз айтыр кереклиси жокъду. Бек бийик махтау, ыспас да жамауат кеси этеди. Алай, айтмай къояргъа жарамаз, ноябрни 1-де Чегем шахарда Къулийланы Къайсынны музейинде сайтны презентациясы болгъан эди. "Энергия созидания" деген фондуну келечилери тынгылы хапар айтып, сайтны да кёргюзтген эдиле. Ол ахшы хапаргъа алайгъа жыйылгъанла бек къууаннганларын билдиргендиле. Аны юсю бла биз бу ишге къатышхан адамлагъа уллу ыспас этебиз, энтта бир кере жюрек ыразылыгъыбызны билдиребиз. Бу ингирде сайтны юсюнден тынгылы хапар эм да ёсюп келген жаш тёлюге насийхат сёзлерин Чегемде Къулийланы Къайсын атлы музейни таматасы - Къулийланы Фатима бла "Энергия созидания" фондну таматысы Жангуразланы Магомед айтхандыла

 
Уруш заманланы кезиуюнде эм да илму фахмусу шартын, Къулийланы Къайсын бек кеп къырал жетишимлеге жетгенди. СССР-ни Асалезни бегими бла, Къулийланы Къайсын Сталинград шахарны батырлыкъ бла къоруулагъаны ючюн майдал бла саугъаланнганды. 1944 жылда Ата журт урушну 2-чи даражалы ордени берилгенди, 60-чы жыллада СССР-ни баш кенгешине сайланнганды. Къайсын юч къат Ленинни саугъасына тежеленнген эди, алай болгъанлыкъгъа кёп чырмаугъа тюбегенди. Аны юсюнден башкирли назмучу эм драматург Назмутдинланы Назар Къайсын шуёхуна былай жазгъан эди: "... Сени "Жер атлы китабынг" бек уллу саугъагъа тийишлиди. Мени оюмума кере, бу жол санга чырмау этмезле. Аны ючюн бек сау бол!..."
Къулийланы Къайсынны чыгъармачылыкъ ишине къарындаш миллетле да бек уллу эс бергендиле. Армения бла Къыргъызстанда "Чемерлик бла культураны сыйлы устасы" деген ат берилген эди.
Къулийланы Къайсын ? Къабарты-Малкъарны халкъ поэти - 1966ж. "Жаралы таш" деген китабы ючюн РСФСР-ни М.Горький атлы саугъасына; 1974ж. "Жер китабы" ючюн СССР-ни къырал саугъасына; 1985ж., ол дуниядан кетгенден сора, "Адам. Терек. Къанатлы" деген назму китабы ючюн Ленинчи саугъагъа тийишли болгъанды.
 
Сабийлеге саугъала

 
 
 
мираж
Бек развернутый хапар джаздынг! Сау бол!

З.Ы. Общая фотка - супер
 
какие у нас замечательные детки
 
Дитя гор
сау бол!
 
Страницы: Пред. 1 2 3 След.
Читают тему (гостей: 1)

 

Написать нам