- Адамны артындан къара сабан сюрме.
- Акъыл сабырлыкъ берир.
- Ана къойну – балагъа джандет.
- Ишленмеклик адамлыкъды.
- Джаш болсун, къыз болсун, акъылы, саны тюз болсун.
- Тин – байлыгъынг, терен саулугъунг.
- Агъач – джерни чырайы, кийим – эрни чырайы.
- Адам къыйынлыгъын кёлтюрюр, зауукълугъун кёлтюрмез.
- Сагъыш – къартлыкъгъа сюйюмчю.
- Атлыны кёрсе, джаяуну буту талыр.
- Адебсиз адам – джюгенсиз ат.
- Магъанасыз сёз – тауушсуз сыбызгъы.
- Джыланны къуйругъундан басарынг келсе, аны башы болгъанын унутма.
- Къарнынг къанлынга кийирир.
- Аджаллыгъа окъсуз шкок атылыр.
- Тойгъанлыкъ къойгъа джарашады.
- Джетген къыз джерли эшекни танымаз.
- Джол бла сёзню къыйыры джокъ.
- Ашда – бёрю, ишде – ёлю.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Къатыны харакетли болса, эри къымсыз болур.
- Чомартха Тейри да борчлуду.
- Этек чакъмакълары баш джаргъан, сёлешген сёзлери таш джаргъан.
- Ач къарынны, токъ билмез
- Онгсузну – джакъла, тенгликни – сакъла.
- Къумурсхала джыйылсала, пилни да джыгъадыла.
- Атынг аманнга чыкъгъандан эсе, джанынг тамагъынгдан чыкъсын.
- Тил – кесген бычакъ, сёз – атылгъан окъ.
- Къартны бурнун сюрт да, оноугъа тут.
- Тынгылагъан тынгы бузар.
- Акъыллы башны – тили къысха.
- Тай асырагъан, атха минер.
- Ёнгкюч къууана барыр, джылай келир.
- Чыкълы кюнде чыкъмагъан, чыкъса къуру кирмеген.
- Ариу сёз джыланны орнундан чыгъарыр.
- Башы ишлегенни, ауузу да ишлер.
- Джангызны оту джарыкъ джанмаз!
- Кийимни бичсенг, кенг бич, тар этген къыйын тюлдю.
- Ишлерге уял да, ашаргъа табма.
- Чабакъ башындан чирийди.
- Къолу уллу – асыу, аягъы уллу – джарсыу.
- Биреуге аманлыкъны тилеме да, кесинге ашхылыкъны тиле.
- Кимни – тили, тиши онглу, кимни – къолу, иши онглу.
- Къызбайны юйюне дери сюрсенг, батыр болур.
- Тойгъа барсанг, тоюб бар, эски тонунгу къоюб бар.
- Таш бла ургъанны, аш бла ур.
- Биреуге аманлыкъ этиб, кесинге игилик табмазса.
- Джукъу тёшек сайламайды.
- Уллу къазанда бишген эт, чий къалмаз.
- Джюз элде джюз ёгюзюм болгъандан эсе, джюз джууугъум болсун.
