- Байлыкъдан саулукъ ашхыды.
- Къатын къылыкъсыз, эр тынчлыкъсыз.
- Гугук кесини атын айтыб къычыргъанча, мен, мен деб нек тураса?
- Чакъырылмай келген къонакъ сыйланмай кетер.
- Чёбню кёлтюрсенг, тюбюнден сёз чыгъар.
- Сабийни джумушха джибер да, ызындан бар.
- Эрни эр этерик да, къара джер этерик да, тиширыуду.
- Кесине оноу эте билмеген, халкъына да эте билмез.
- Ишлегенден, къарагъан уста.
- Байны оноуу, джарлыгъа джарамаз.
- Босагъа таш юйге кирмей эди, тыбыр таш эшикге чыкъмай эди.
- Элде адам къалмаса, ит тахтагъа минер.
- Билеги кючлю, бирни джыгъар, билими кючлю, мингни джыгъар.
- Кимни – тили, тиши онглу, кимни – къолу, иши онглу.
- Башы джабылгъан челекге, кир тюшмез.
- Сёз сёзню айтдырыр.
- Аууздан келген, къолдан келсе, ким да патчах болур эди.
- Къарыусузгъа кюлме, онгсузгъа тийме.
- Гитче джилтин уллу элни джандырыр.
- Урама да – ёледи, сатама да – келеди.
- Джарлы тюеге минсе да, ит къабар.
- Ариу сёз – къылычдан джити.
- Эркиши – от, тиширыу – суу.
- Къозулугъунда тоймагъан, къойлугъунда тоймаз.
- Элге къуллукъ этмеген, элге ие болмаз.
- Бир абыннган – минг сюрюнюр.
- Керилген да, ургъан кибикди.
- Иги адам абынса да, джангылмаз.
- Айтханы чапыракъдан ётмеген.
- Туз, гырджын аша, тюзлюк бла джаша.
- Бюгюн дуния кибик, тамбла ахыратды.
- Тенги кёбню джау алмаз, акъылы кёбню дау алмаз.
- Ёгюзню мюйюзлери ауурлукъ этмейдиле.
- Ач къалгъандан, кеч къалгъан къолай.
- Байма, деб да, къууанма, джарлыма, деб да, джылама.
- Къызын тута билмеген, тул этер, джашын тута билмеген, къул этер.
- Хазыр ашха – терен къашыкъ.
- Къартха ушагъан джаш – акъыллы, джашха ушагъан къарт – тели.
- Сакъламагъан затынга джолукъсанг, не бек къууанаса, не бек ачыйса.
- Бичгенде ашыкъма, тикгенде ашыкъ.
- Ашхы болсанг, атынг чыгъар, аман болсанг, джанынг чыгъар.
- Ата Джуртча джер болмаз, туугъан элча эл болмаз.
- Булут кёкге джарашыу, уят бетге джарашыу.
- Алим болгъандан эсе, адам болгъан къыйынды.
- Эки къатын алгъан – эки ташны ортасына башын салгъан.
- Аманны къуугъан, аманлыкъ табар.
- Таякъ этден ётер, тил сюекден ётер.
- Айныгъанлы алты кюн, тогъайгъанлы тогъуз кюн.
- Байдан умут эте, джарлыдан ёгюз багъасы къорады.
- Тил – миллетни джаны.
