- Къазанчы аман болса, къазаны къайнамаз.
- Бал – татлы, балдан да бала – татлы.
- Кийимни бичсенг, кенг бич, тар этген къыйын тюлдю.
- Сабийни джумушха джибер да, ызындан бар.
- Сёз – кюмюш, джыр – алтын.
- Адеби болмагъан къыз – тузсуз хант.
- Юреннген ауруу къалмаз.
- Биреу къой излей, биреу той излей.
- Къанны къан бла джуума, аманны аман бла къуума.
- Тойчу джашха къарама, къойчу джашха къара.
- Кесинг сынамагъан затны, адамгъа буюрма.
- Билеги кючлю, бирни джыгъар, билими кючлю, мингни джыгъар.
- Этни да ашады, бетни да ашады.
- Элни кючю – эмеген.
- Къонагъы джокъну – шоху джокъ.
- Джырчы ёлсе, джыры къалыр.
- Баш болса, бёрк табылыр.
- Билимден уллу байлыкъ джокъду.
- Тюз сёз баргъан сууну тыяр.
- Аш берме да, къаш бер.
- Дженгил джетерикме деб, узун джолну къоюб, къысхасын барма.
- Джыланны къуйругъундан басарынг келсе, аны башы болгъанын унутма.
- Терслик кетер, тюзлюк джетер.
- Къатыны харакетли болса, эри къымсыз болур.
- Азыгъы аз, алгъа къабар, аты аман, алгъа чабар.
- Адам къыйынлыгъын кёлтюрюр, зауукълугъун кёлтюрмез.
- Адам сёзге тынгыла, акъыл сёзню ангыла.
- Айырылгъанланы айю ашар, бёлюннгенлени бёрю ашар.
- Сууда джау джокъ, кёб сёзде магъана джокъ.
- Тёгюлген тюгел джыйылмайды.
- Ашатыргъа иш – ашхы, ишлетирге аш – ашхы.
- Аджал соруб келмез, келсе, къайтыб кетмез.
- Бек ашыкъгъан меннге джетсин, дегенди аракъы.
- Акъыллы – эл иеси, тели – эл баласы.
- Эм уллу байлыкъ – джан саулукъ.
- Ат да турмайды бир териде.
- Ауурну тюбю бла, дженгилни башы бла джюрюген.
- Адам къаллай бир ишленмесе, аллай бир кесин уллу кёреди.
- Атлыны кёрсе, джаяуну буту талыр.
- Асхат ашлыкъ сата, юйдегиси ачдан къата.
- Чомарт къолда мал къалмаз.
- Тик ёргени, тик энгишгеси да болады.
- Билимсиз иш бармаз.
- Халкъны юйю – туугъан джери.
- Юре билмеген ит, къонакъ келтирир.
- Уллу къашыкъ эрин джыртар.
- Ариу джол аджал келтирмез.
- Билим насыб берир, билим джолну керир.
- Миллетни бойну – базыкъ, аны бла кюрешген – джазыкъ.
- Гитче джилтин уллу элни джандырыр.