- Бойнуму джети джерден кессенг да, мен ол ишни этеллик тюлме.
- Ач къарным, тынч къулагъым.
- Къолу уллу – асыу, аягъы уллу – джарсыу.
- Элде адам къалмаса, ит тахтагъа минер.
- Тюз сёз баргъан сууну тыяр.
- Айныгъанлы алты кюн, тогъайгъанлы тогъуз кюн.
- Окъуу – билимни ачхычы, окъуу – дунияны бачхычы.
- Эртде тургъан бла эртде юйленнген сокъуранмаз.
- Кёз – сюйген джерде, къол – ауругъан джерде.
- Ёлюр джаннга, ёкюл джокъ.
- Хар ишни да аллы къыйынды.
- Сёз къанатсыз учар.
- Орундукъ тюбюнде атылсам да, орта джиликме, де да айлан.
- Адамны джюреги нени кёрюрге сюйсе, кёзю да аны кёрюрге ёч болады.
- Ишни аллы бла къууанма да, арты бла къууан.
- Джумушакъ сёз къаты таякъны сындырыр.
- Билим ат болуб да чабар, къуш болуб да учар.
- Мал кёб болса, джууукъ кёб болур.
- Окъугъанны бети джарыкъ.
- Этим кетсе да, сюегим къалыр.
- Ата Джуртча джер болмаз, туугъан элча эл болмаз.
- Тойгъандан сора, ашны сёкме.
- Дуния малгъа сатылма, кесингден телиге къатылма.
- Кютгени беш эчки, сызгъыргъаны уа, джерни джарады.
- Хар зат кесини орнуна иги.
- Джашны джигитлиги сорулур, къызны джигерлиги сорулур.
- Ариу сёз – джаннга азыкъ, аман сёз – башха къазыкъ.
- Гитче джилтин уллу элни джандырыр.
- Келинни – келгинчи, бёркню кийгинчи кёр.
- Ач къалгъандан, кеч къалгъан къолай.
- Ауругъан – джашаудан умутчу.
- Аз айтсам, кёб ангылагъыз.
- Ата – билек, ана – джюрек!
- Биреуге кёлтюрген таягъынг, кесинги башынга урур.
- Уллу къашыкъ эрин джыртар.
- Адам боллукъ, атламындан белгили болур.
- Къарт болгъан джерде, берекет болур, сабий болгъан джерде, оюн болур.
- Тёзген – тёш ашар!
- Юреннген ауруу къалмаз.
- Зар адам ашынгы ашар, кесинги сатар.
- Джарашыу сюйген – джалынчакъ.
- Борчунг бар эсе, хурджунунга ойлаб узал.
- Ауузу бла къуш тута айланады.
- Экиндини кеч къылсанг, чабыб джетер ашхам.
- Ёгюзню мюйюзлери ауурлукъ этмейдиле.
- Билимсиз иш бармаз.
- Кеси юйюмде мен да ханма.
- Билгенни къолу къарны джандырыр.
- Сангырау къулакъ эл бузар.
- Джылыгъа джылан илешир.