- Тенги кёбню джау алмаз, акъылы кёбню дау алмаз.
- Адамны сабийин сюйген джюреги, бычакъча, джитиди.
- Къазанны башы ачыкъ болса, итге уят керекди.
- Абынмазлыкъ аякъ джокъ, джангылмазлыкъ джаякъ джокъ.
- Кёкдеги болмаса, джердегин кёрмейди.
- Аз айтсам, кёб ангылагъыз.
- Джерни букъусу кёкге къонмаз.
- Миллетни бойну – базыкъ, аны бла кюрешген – джазыкъ.
- Эри аманны, къатыны – аман.
- Баргъанынга кёре болур келгенинг.
- Ач, тоймам, дейди, тойгъан, ач болмам, дейди.
- Джарлы эскисин джамаса, къууаныр.
- Джаралыны джастыгъында сау ёлюр.
- Кёбге таш атма.
- Хантына кёре тузу, юйюне кёре къызы.
- Джеринден айырылгъан – джети джылар, джуртундан айырылгъан – ёлгюнчю джылар.
- Уллу сёлешме да, уллу къаб.
- Мени джылытмагъан кюн, меннге тиймесин!
- Ашын ашагъанынгы, башын да сыйла.
- Суу кетер, таш къалыр.
- Айырылгъанланы айю ашар, бёлюннгенлени бёрю ашар.
- Юреннген ауруу къалмаз.
- Дженгил джетерикме деб, узун джолну къоюб, къысхасын барма.
- Къыз келсе, джумуш эте келеди, къатын келсе, ушакъ эте келеди.
- Акъылсызны джууукъгъа алма, акъыллыны кенгнге салма.
- Намыс сатылыб алынмайды.
- Агъач халкъгъа алтынды, иссиликге салкъынды.
- Чомарт джарлы болмаз.
- Къарт айтханны этмеген, къартаймаз.
- Джашынгы кесинг юретмесенг, джашау юретир.
- Ишни аллы бла къууанма да, арты бла къууан.
- Ашхы болсанг, атынг чыгъар, аман болсанг, джанынг чыгъар.
- Ауругъан – джашаудан умутчу.
- Кенгеш болса, уруш болмаз.
- Уллу сёзде уят джокъ.
- Гитче джилтин уллу элни джандырыр.
- Ата Джуртуму башы болмасам да, босагъасында ташы болайым.
- Кёлсюзден сёзсюз тууар.
- Суугъа – чабакъ, къаягъа – ыргъакъ.
- Чарсда алчыны эл кёреди.
- Эрни эр этерик да, къара джер этерик да, тиширыуду.
- Аман къатын алгъан, арыр, иги къатын алгъан джарыр.
- Оюмсуз атлагъан, аджалсыз ёлюр.
- Бюгюн дуния кибик, тамбла ахыратды.
- Джашны джигитлиги сорулур, къызны джигерлиги сорулур.
- Джарлыны эшигин махтагъан джабар.
- Ат да турмайды бир териде.
- Джюрек кёзден алгъа кёрюр.
- Джаханимни кёрмей, джандетге кёл салмазса.
- Аман хансны – урлугъу кёб.
American Karachay Benevolent Association /A.K.B.A./.
Читают тему (гостей: 1)