- Этек чакъмакълары баш джаргъан, сёлешген сёзлери таш джаргъан.
- Адамны аманы адамны бети бла ойнар.
- Соргъан айыб тюлдю, билмеген айыбды.
- Ариу сёз – къылычдан джити.
- Ашхылыкъ джерде джатмайды, аманлыкъ суугъа батмайды.
- Ёлюр джаннга, ёкюл джокъ.
- Ётген ёмюр – акъгъан суу.
- Мухар, кеси тойса да, кёзю тоймаз.
- Булут кёкге джарашыу, уят бетге джарашыу.
- Эл бла кёргенинг эрелей.
- Чомартны къолу берекет.
- Сабийни джумушха джибер да, ызындан бар.
- Олтуруб кёрюнмей эди да, ёрге туруб кёрюне эди.
- Къазанчы аман болса, къазаны къайнамаз.
- Кёбню кёрген – кёб билир.
- Биреуню къыйынлыгъы бла кесинге джол ишлеме.
- Мен да «сен», дейме, сен да «кесим», дейсе.
- Къонакъны къачан кетерин сорма, къачан келлигин сор.
- Къайтырыкъ эшигинги, къаты уруб чыкъма.
- Акъыл сабырлыкъ берир.
- Рысхысына кёре, джаш ёсер, къышлыгъына кёре, мал ёсер.
- Адамны артындан къара сабан сюрме.
- Уллу къазанда бишген эт, чий къалмаз.
- Тешигини къатында, чычхан да батыр болур.
- Адамны сыфатына къарама, сёзюне къара.
- Чоюнну башы ачыкъ болса, итге уят керекди.
- Азыкъ аз болса, эртде орун сал.
- Этим кетсе да, сюегим къалыр.
- Чомартны къолун джокълукъ байлар.
- Ургъан суудан башынгы сакъла.
- Къулакъдан эсе, кёзге ышан.
- Тюзлюк шохлукъну бегитир.
- Арпа, будай – ащды, алтын, кюмюш а – ташды.
- Экеулен сёлеше тура эселе, орталарына барыб кирме.
- Тойну къарнашы – харс, джырны къарнашы – эжиу.
- Намыс болмагъан джерде, насыб болмаз.
- Сёз – кюмюш, джыр – алтын.
- Тил – миллетни джаны.
- Эринчекни эр алмаз, эр алса да, кёл салмаз, кёл салса да, кёб бармаз!
- Татлы сёз – балдан татлы.
- Кёб къычыргъандан – къоркъма, тынч олтургъандан – къоркъ.
- Таукел тауну аудурур.
- Джашда акъыл джокъ, къартда къарыу джокъ.
- Тил – кесген бычакъ, сёз – атылгъан окъ.
- Тенгни тенглиги джашай барсанг билинир.
- Тил бла келеди джыр да.
- Ана къолу ачытмаз.
- Ёксюзню къалачы уллу кёрюнюр.
- Ёзденликни кёбю ётюрюк.
- Бир онгсуз адам адет чыгъарды, деб эштирик тюлсе.
American Karachay Benevolent Association /A.K.B.A./.
Читают тему (гостей: 1)