- Ана – юйню кюн джарыгъы.
- Тёгюлген тюгел джыйылмайды.
- Эртде тургъан бла эртде юйленнген сокъуранмаз.
- Бал чибинни ургъаны – ачы, балы – татлы.
- Эркишиге тары кебек танг кёрюнюр.
- Ишлегенден, къарагъан уста.
- Кёл ашады да, кеси ашады.
- Элни кючю – эмеген.
- Ашхы тенг джолгъа салыр, аман тенг джолдан тайдырыр.
- Иги – алгъыш этер, аман – къаргъыш этер.
- Акъыл аздырмаз, билим тоздурмаз.
- Ат да турмайды бир териде.
- Ашаса, ашамаса да, бёрюню ауузу – къан.
- Дууулдаса – бал чибин, къонса – къара чибин.
- Чабакъсыз кёлге къармакъ салгъанлыкъгъа, чабакъ тутмазса.
- Зар адам ашынгы ашар, кесинги сатар.
- Келлик заман – къартлыкъ келтирир, кетген заман – джашлыкъ ёлтюрюр.
- Къонагъынгы артмагъын алма да, алгъышын ал.
- Ишни аллы бла къууанма да, арты бла къууан.
- Къонакъ аман болса, къонакъбай джунчур
- Аман адам этегингден тутса, кес да къач.
- Бёрю да ач къалмасын, эчки да ашалмасын.
- Джырына кёре эжиую.
- Тил – кесген бычакъ, сёз – атылгъан окъ.
- Босагъагъа джууукъ орун болса, ашыгъыб тёрге озма.
- Акъыллы башны – тили къысха.
- Эл тойса, тоймагъан, эл къойса, къоймагъан.
- Уллу суу бла уллу ауруудан башынгы сакъла.
- Таякъ этден ётер, тил сюекден ётер.
- Огъурлуну сёзю – суу, огъурсузну сёзю – уу.
- Ойнаб айтсанг да, эслеб айт.
- Сабийликде юретмесенг, уллу болса – тюзелмез.
- Азыгъы аз, алгъа къабар, аты аман, алгъа чабар.
- Аш берме да, къаш бер.
- Къолунгдан къуймакъ ашатсанг да, атаны борчундан къутулмазса.
- Ётюрюк хапар аякъ тюбю бла джюрюйдю.
- Тура эдим джата, къайдан чыкъды хата?
- Тулпарлыкъ, билекден тюл – джюрекден.
- Окъуусуз билим – джокъ, билимсиз кюнюнг – джокъ.
- Эл ауузу – элия.
- Чакъырылмагъан джерге барма, чакъырылгъан джерден къалма.
- Уллу сёзде уят джокъ.
- Джукъу тёшек сайламайды.
- Акъдан къара болмаз.
- Биреу къой излей, биреу той излей.
- Нёгерсизни джолу узун.
- Адамны аманы адамны бети бла ойнар.
- Ётюрюкню башын керти кесер.
- Кечеси – аяз, кюню – къыш, джарлы къаргъагъа бир аш тюш!
- Сабыр джетер муратха, сабырсыз къалыр уятха.
Зачем американцам жечь Коран?
18.10.2010 10:50:16
Может они войны хотят?
|
|
|
|
18.10.2010 12:33:56
|
||||
|
|
|||
Читают тему (гостей: 1)