- От кюйдюрген, сау болса да, тот кюйдюрген, сау болмаз.
- Тойгъандан сора, ашны сёкме.
- Сормай – алма, чакъырылмай – барма.
- Къууут – джелге, берне – бошха.
- Ана – юйню кюн джарыгъы.
- Окъуусуз билим – джокъ, билимсиз кюнюнг – джокъ.
- Ач, тоймам, дейди, тойгъан, ач болмам, дейди.
- Бал ашаргъа сюе эсенг, чибин ургъаннга тёз.
- Къонакъ хазыр болгъанлыкъгъа, къонакъбай хазыр тюлдю.
- Кюл тюбюндеги от кёрюнмейди.
- Сабийликде юретмесенг, уллу болса – тюзелмез.
- Агъач халкъгъа алтынды, иссиликге салкъынды.
- Къызгъанчдан ычхыныр, мухардан ычхынмаз.
- Босагъагъа джууукъ орун болса, ашыгъыб тёрге озма.
- Сёз сёзню айтдырыр.
- Джарлы тюеге минсе да, ит къабар.
- Кёзню ачылгъаны – иги, ауузну джабылгъаны – иги.
- Бозаны арты дауур болур.
- Ётген ёмюр – акъгъан суу.
- Ашда – бёрю, ишде – ёлю.
- Байлыкъ адамны сокъур этер.
- Эки къатын алгъанны къулагъы тынгнгаймаз.
- Чомарт джарлы болмаз.
- Ашхы атаны – джашы ашхы, ашхы ананы – къызы ашхы.
- Накъырданы арты керти болур.
- Къулакъдан эсе, кёзге ышан.
- Джарлыны эшигин махтагъан джабар.
- Кечеси – аяз, кюню – къыш, джарлы къаргъагъа бир аш тюш!
- Ариу сёз джыланны орнундан чыгъарыр.
- Къолунгдан къуймакъ ашатсанг да, атаны борчундан къутулмазса.
- Адам къыйынлыгъын кёлтюрюр, зауукълугъун кёлтюрмез.
- Сууда джау джокъ, кёб сёзде магъана джокъ.
- Адеби болмагъан къыз – тузсуз хант.
- Ашын ашагъанынгы, башын да сыйла.
- Бастасын ашагъан, хантусун да ичер.
- Къазанчы аман болса, къазаны къайнамаз.
- Тин – байлыгъынг, терен саулугъунг.
- Джюрек кёзден алгъа кёрюр.
- Ёлмесенг да, къарт дамы болмазса?
- Башланнган иш битер, къымылдагъан тиш тюшер.
- Джарлы джети элни сёзюн этер.
- Ашха уста, юйюнде болсун
- Сескекли кесин билдирир.
- Тилде сюек болмаса да, сюек сындырыр.
- Ханы къызы буюгъа-буюгъа киштик болду.
- Кёлсюзден сёзсюз тууар.
- Гырджын – тепсини тамадасы.
- Аманнга игилик этсенг, юйюнге сау бармазса.
- Терслик кетер, тюзлюк джетер.
- Орундукъ тюбюнде атылсам да, орта джиликме, де да айлан.
Зачем американцам жечь Коран?
18.10.2010 10:50:16
Может они войны хотят?
|
|
|
|
18.10.2010 12:33:56
|
||||
|
|
|||
Читают тему (гостей: 1)