- Къызын тута билмеген, тул этер, джашын тута билмеген, къул этер.
- Ата Джуртча джер болмаз, туугъан элча эл болмаз.
- Чабакъсыз кёлге къармакъ салгъанлыкъгъа, чабакъ тутмазса.
- Аман эсирсе, юйюн ояр.
- Къайтырыкъ эшигинги, къаты уруб чыкъма.
- Къарт болгъан джерде, берекет болур, сабий болгъан джерде, оюн болур.
- Ат да турмайды бир териде.
- Ашха уста, юйюнде болсун
- Чабакъгъа акъыл, табагъа тюшсе келеди.
- Тели турса – той бузар.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
- Тойгъан антын унутур.
- Аман адам элни бир-бирине джау этер.
- Рысхы джалгъанды: келген да этер, кетген да этер.
- Чабакъ башындан чирийди.
- Рысхы – насыбха къор.
- Рысхы – сют юсюнде кёмюк кибикди.
- Сабий кёргенин унутмаз.
- Ашлыкъны арба юйге келтирир, чана базаргъа элтир.
- Уллу суу бла уллу ауруудан башынгы сакъла.
- Тенгни тенглиги джашай барсанг билинир.
- Джарлыны тону джаз битер.
- Къарыусузгъа кюлме, онгсузгъа тийме.
- Джогъун бар этген, барын бал этген.
- Хунаны тюбюн къазсанг, юсюнге ауар.
- Сакъламагъан затынга джолукъсанг, не бек къууанаса, не бек ачыйса.
- Телиге от эт десенг, юйюнге от салыр.
- Кийимни бир кюнню аясанг, минг кюннге джарар.
- Азыкълы ат арымаз, къатыны аман джарымаз.
- Харам къарнашдан, халал тенг ашхы.
- Джаз бир кюнню джатсанг, къыш талай кюнню абынырса.
- Орундукъ тюбюнде атылсам да, орта джиликме, де да айлан.
- Башсыз урчукъ тюзюне айланмаз.
- Акъыллы эркиши атын махтар, акъылсыз эркиши къатынын махтар.
- Эртде тургъан бла эртде юйленнген сокъуранмаз.
- Таш ата билмеген, башына урур.
- Кёб къычыргъандан – къоркъма, тынч олтургъандан – къоркъ.
- Тюкюрюк баш джармаз, налат кёз чыгъармаз!
- Джаралыны джастыгъында сау ёлюр.
- Айырылмаз джууугъунга, унутмаз сёзню айтма.
- Тиширыусуз юй – отсуз от джагъа.
- Мухардан ач ычхынмаз.
- Терек ауса, отунчу – кёб.
- Уллу сёлешме да, уллу къаб.
- Мураты болгъанны джюрек тебюую башхады.
- Ишленмеген джаш – джюгенсиз ат, ишленмеген къыз – тузсуз хант.
- Къарнынг бла ёч алма.
- Эрине къаргъыш этген къатын, эрнин къабар.
- Кийимни бичсенг, кенг бич, тар этген къыйын тюлдю.
- Къызгъанчдан ычхыныр, мухардан ычхынмаз.
ПАРТИЯ "ЯБЛОКО" ВЫСТУПИЛА ПРОТИВ УЗАКОНИВАНИЯ СТРОИТЕЛЬСТВА ГОРНОЛЫЖНЫХ КОМПЛЕКСОВ В ЗАПОВЕДНИКАХ
30.11.2011 00:21:56
|
|
|
|
Читают тему (гостей: 1)