- Кюн – узун, ёмюр – къысха.
- Къазанда болса, чолпугъа чыгъар.
- Айранны сюйген, ийнек тутар.
- Кийимни бичсенг, кенг бич, тар этген къыйын тюлдю.
- Къарын къуру болса, джюрек уру болур.
- Чабар ат – джетген къыз.
- Джылкъыдан – ат чыгъар, тукъумдан – джаш чыгъар.
- Нёгерсизни джолу узун.
- Эл ауузу – элек, анга ийнаннган – халек.
- Къызбайны юйюне дери сюрсенг, батыр болур.
- Минг тенг да азды, бир джау да кёбдю.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Киштикге къанат битсе, чыпчыкъ къалмаз эди.
- Къыз чыгъаргъан – къызыл къымжа.
- Агъач халкъгъа алтынды, иссиликге салкъынды.
- Эринчекни эр алмаз, эр алса да, кёл салмаз, кёл салса да, кёб бармаз!
- Сангырау къулакъ эл бузар.
- Рысхы – сют юсюнде кёмюк кибикди.
- Экеулен сёлеше тура эселе, орталарына барыб кирме.
- Билим ат болуб да чабар, къуш болуб да учар.
- Тойгъандан сора, ашны сёкме.
- Билмезни кёзю кёрмез, этмезни къулагъы эшитмез.
- Aдам боллукъ, сыфатындан белгили.
- Тёрде – темир таякълы, къаяда – чыпчыкъ аякълы.
- Ким бла джюрюсенг, аны кёзю бла кёрюнюрсе.
- Джырына кёре эжиую.
- Алим болгъандан эсе, адам болгъан къыйынды.
- Чомартха хар кюн да байрамды.
- Бетинги сатма, малынгы сат.
- Джарлыны тону джаз битер.
- Ач, тоймам, дейди, тойгъан, ач болмам, дейди.
- Ашын ашагъанынгы, башын да сыйла.
- Окъугъан озар, окъумагъан тозар.
- Акъыл къартда, джашда тюйюлдю – башдады.
- Эл элде бирер малынг болгъандан эсе, бирер тенгинг болсун.
- Джаш болсун, къыз болсун, акъылы, саны тюз болсун.
- Тёгюлген тюгел джыйылмайды.
- Байлыкъ тауусулур, билим тауусулмаз.
- Ач да бол, токъ да бол – намысынга бек бол.
- Кюн кёрмеген, кюн кёрсе, кюндюз чыракъ джандырыр.
- Тойгъан джерден туугъан джер игиди.
- Ишни ахырын ойламай, аллын башлама.
- Душманны тышы – акъ, ичи – къара.
- Тюз сёз баргъан сууну тыяр.
- Кюл тюбюндеги от кёрюнмейди.
- Джюрек кёзден алгъа кёрюр.
- Кёлю джокъну – джолу джокъ.
- Сууда джау джокъ, кёб сёзде магъана джокъ.
- Ач отунчуну ачыуу – бурнунда.
- Чомарт къонакъ юй иесин сыйлар.
ПАРТИЯ "ЯБЛОКО" ВЫСТУПИЛА ПРОТИВ УЗАКОНИВАНИЯ СТРОИТЕЛЬСТВА ГОРНОЛЫЖНЫХ КОМПЛЕКСОВ В ЗАПОВЕДНИКАХ
30.11.2011 00:21:56
|
|
|
|
Читают тему (гостей: 1)