- Сютню башын джалагъан къутулур, тюбюн ичген тутулур.
- Бал ашаргъа сюе эсенг, чибин ургъаннга тёз.
- Байлыкъ адамны сокъур этер.
- Ишлегенде эринме, ишде чолакъ кёрюнме.
- Кюн – узун, ёмюр – къысха.
- Зар адам ашынгы ашар, кесинги сатар.
- Аллахха ийнаннган кишини, Аллах онгдурур ишин.
- Кёзю сокъурдан – къоркъма, кёлю сокъурдан – къоркъ.
- Бозаны арты дауур болур.
- Адамны адамлыгъы къыйынлыкъда айгъакъланады.
- Ачыу алгъа келсе, акъыл артха къалады.
- Окъумагъан сокъурду, сокъур ташха абыныр!
- Джеринден айырылгъан – джети джылар, джуртундан айырылгъан – ёлгюнчю джылар.
- Ач къалгъандан, кеч къалгъан къолай.
- Сыфатында болмагъаны, суратында болмаз.
- Таула не мийик болсала да, аууш табылыр.
- Дуния мал дунияда къалады.
- Нарт сёз – тилни бети.
- Намыс сатылыб алынмайды.
- Ётюрюкчюню шагъаты – къатында.
- Бойнуму джети джерден кессенг да, мен ол ишни этеллик тюлме.
- Чоюнну башы ачыкъ болса, итге уят керекди.
- Ёнгкюч къууана барыр, джылай келир.
- Къозулугъунда тоймагъан, къойлугъунда тоймаз.
- Ариу сёз аурууунгу алыр.
- Уллу атлама – абынырса, уллу къабма – къарылырса.
- Суугъа – чабакъ, къаягъа – ыргъакъ.
- Суу да къайтады чыкъгъан джерине.
- Адеб этмеген, адеб кёрмез.
- Окъдан джара эртде-кеч болса да бителир, сёз джара, ёмюрге къалыр.
- Эл бла кёргенинг эрелей.
- Джогъун бар этген, барын бал этген.
- Эллинг бла джау болсанг да, юйюнг бла джау болма.
- Джаханимни кёрмей, джандетге кёл салмазса.
- Аш берме да, къаш бер.
- Сабыр джетер муратха, сабырсыз къалыр уятха.
- Джылыгъа джылан илешир.
- Ана къолу ачытмаз.
- Элде адам къалмаса, ит тахтагъа минер.
- Уллу сёлешме да, уллу къаб.
- Ашыкъгъан cуу, тенгизге джетмез.
- Ариу сёз джыланны орнундан чыгъарыр.
- Айтхан – тынч, этген – къыйын.
- Тас болгъан бычакъны сабы – алтын.
- Къуру гыбыт бек дыгъырдар.
- Кимни – тили, тиши онглу, кимни – къолу, иши онглу.
- Ишленмеклик адамлыкъды.
- Ашхы сёз таш тешер.
- Джашда акъыл джокъ, къартда къарыу джокъ.
- Къарт бла баш аша, джаш бла аякъ аша.
Считавшийся безвредным ультразвук (УЗИ) может... повреждать генетический аппарат ребенка?
|
http://www.uznai-pravdu.ru/viewtopic.php?t=172 - страшилка или факт?
|
|
|
|
|
Читают тему (гостей: 1)