- Къайтырыкъ эшигинги, къаты уруб чыкъма.
- Aдам боллукъ, сыфатындан белгили.
- Ашхы сёз таш тешер.
- Джахил болса анасы, не билликди баласы?
- Эртде тургъан бла эртде юйленнген сокъуранмаз.
- Эки итни арасына сюек атма, эки адамны арасында сёз чыгъарма.
- Джаш къарыу бла кючлю, къарт акъыл бла кючлю.
- Огъурлуну сёзю – суу, огъурсузну сёзю – уу.
- Хоншуну тауугъу къаз кёрюнюр, келини къыз кёрюнюр.
- Билим ат болуб да чабар, къуш болуб да учар.
- Чомартха Тейри да борчлуду.
- Ёлген аслан – сау чычхан.
- Эшекге миннген – биринчи айыб, андан джыгъылгъан – экинчи айыб.
- Босагъа таш юйге кирмей эди, тыбыр таш эшикге чыкъмай эди.
- Аджашхан тёгерек айланыр.
- Бал – татлы, балдан да бала – татлы.
- Ариу – кёзге, акъыл – джюрекге.
- Айтхан сёзюне табылгъан.
- Къая джолда джортма, ачыкъ сёзден къоркъма.
- Тойгъан джерге джети къайт.
- Кёлсюзден сёзсюз тууар.
- Къарыусузгъа кюлме, онгсузгъа тийме.
- Тойгъан джерден туугъан джер игиди.
- Аз сёлешген, къайгъысыз турур.
- Гитче джилтин уллу элни джандырыр.
- Биреу къой излей, биреу той излей.
- Байлыкъ адамны сокъур этер.
- Айырылмаз джууугъунга, унутмаз сёзню айтма.
- Чомартха хар кюн да байрамды.
- Борчунг бар эсе, хурджунунга ойлаб узал.
- Халкъгъа джарагъан, джарлы къалмаз.
- Таугъа чыгъаллыкъ эсенг, тюзде къалма.
- Джаным-тиним – окъуу, билим.
- Ач къарным, тынч къулагъым.
- Аман къатын алгъан, арыр, иги къатын алгъан джарыр.
- Джарлы тюеге минсе да, ит къабар.
- Аджал соруб келмез, келсе, къайтыб кетмез.
- Тиширыусуз юй – отсуз от джагъа.
- Къалгъан ишге къар джауар.
- Кийимни бир кюнню аясанг, минг кюннге джарар.
- Джумушакъ сёз къаты таякъны сындырыр.
- Къартны бурнун сюрт да, оноугъа тут.
- Бермеген къол, алмайды.
- Экеу тутушса, биреу джыгъылыр.
- Тойгъандан сора, ашны сёкме.
- Аманны эки битли тону болур, бирин сеннге кийдирир, бирин кеси киер.
- Къатын къылыкъсыз, эр тынчлыкъсыз.
- Мухарны эси – ашарыкъда.
- Къызны минг тилер, бир алыр.
- Аууз сакълагъан – джан сакълар.
Считавшийся безвредным ультразвук (УЗИ) может... повреждать генетический аппарат ребенка?
30.11.2010 19:09:03
http://www.uznai-pravdu.ru/viewtopic.php?t=172 - страшилка или факт?
|
|
|
|
Читают тему (гостей: 1)