- Алтыда кюлмеген, алтмышда кюлмез.
- Эли джокъну – кёлю джокъ.
- Ишлемеген – тишлемез.
- Джаралыны джастыгъында сау ёлюр.
- Ариу сёз джыланны орнундан чыгъарыр.
- Хар зат кесини орнуна иги.
- Джырчы ёлсе, джыры къалыр.
- Джыланны къуйругъундан басарынг келсе, аны башы болгъанын унутма.
- Аз сёлеш, кёб ишле.
- Башы ишлегенни, ауузу да ишлер.
- Къарны аманнга къазан такъдырма, къолу аманнга от джакъдырма.
- Аурууну келиую тынч, кетиую – къыйын.
- Сютню башын джалагъан къутулур, тюбюн ичген тутулур.
- Арыгъан къош чамчы болур.
- Ачыу алгъа келсе, акъыл артха къалады.
- Мухар, кеси тойса да, кёзю тоймаз.
- Къазанчы аман болса, къазаны къайнамаз.
- Билмейме деген – бир сёз
- Уруну арты – къуру.
- Аш кетер да бет къалыр.
- Аманны эки битли тону болур, бирин сеннге кийдирир, бирин кеси киер.
- Суу кетер, таш къалыр.
- Джуртун къоругъан озар.
- Тойгъа барсанг, тоюб бар, эски тонунгу къоюб бар.
- Атлыны кёрсе, джаяуну буту талыр.
- Эртде тургъан джылкъычыны эркек аты тай табар.
- Эм уллу байлыкъ – джан саулукъ.
- Джетген къыз джерли эшекни танымаз.
- Къонагъы джокъну – шоху джокъ.
- Сагъыш – къартлыкъгъа сюйюмчю.
- Гырджын – тепсини тамадасы.
- Тёзгеннге, джабылгъан эшик ачылыр.
- Рысхы – насыбха къор.
- Тас болгъан бычакъны сабы – алтын.
- Окъдан джара эртде-кеч болса да бителир, сёз джара, ёмюрге къалыр.
- Адам сёзге тынгыла, акъыл сёзню ангыла.
- Игини сыйлагъан адетди.
- Къарт бла баш аша, джаш бла аякъ аша.
- Кёзден кетген, кёлден да кетеди.
- Терслик кетер, тюзлюк джетер.
- Эркишини аманы тиширыуну джылатыр.
- Къанны къан бла джуума, аманны аман бла къуума.
- Ач бёрюге мекям джокъ.
- Къонакъ хазыр болгъанлыкъгъа, къонакъбай хазыр тюлдю.
- Онгсузну – джакъла, тенгликни – сакъла.
- Шайтан алдады, тюзлюк къаргъады.
- Адам туугъан джеринде, ит тойгъан джеринде.
- Билеги кючлю, бирни джыгъар, билими кючлю, мингни джыгъар.
- Кёлю джокъну – джолу джокъ.
- Къалгъан ишге къар джауар.
Считавшийся безвредным ультразвук (УЗИ) может... повреждать генетический аппарат ребенка?
30.11.2010 19:09:03
http://www.uznai-pravdu.ru/viewtopic.php?t=172 - страшилка или факт?
|
|
|
|
Читают тему (гостей: 1)