- Ашхы атаны – джашы ашхы, ашхы ананы – къызы ашхы.
- Мухарны эси – ашарыкъда.
- Ашхылыкъ джерде джатмайды, аманлыкъ суугъа батмайды.
- Керек ташны ауурлугъу джокъ.
- Иги адамны бир сёзю эки болмаз.
- Байны оноуу, джарлыгъа джарамаз.
- Эринчекге кюн узун.
- Этни да ашады, бетни да ашады.
- Арбаз къынгырды да, ийнек сауалмайма.
- Тау башында, тау болмаз, джангыз терек, бау болмаз.
- Ёнгкюч къууана барыр, джылай келир.
- Ач да бол, токъ да бол – намысынга бек бол.
- Суу да къайтады чыкъгъан джерине.
- Эм ашхы къайын ана мамукъ бла башынгы тешер.
- Айран ичген – къутулду, джугъусун джалагъан – тутулду.
- Бёрю да ач къалмасын, эчки да ашалмасын.
- Ишленмеклик адамлыкъды.
- Биреу къой излей, биреу той излей.
- Эл элде бирер малынг болгъандан эсе, бирер тенгинг болсун.
- Иши джокъну, сыйы джокъ.
- Ариу сёз – къылычдан джити.
- Кютгени беш эчки, сызгъыргъаны уа, джерни джарады.
- Байдан умут эте, джарлыдан ёгюз багъасы къорады.
- Хар адамгъа кеси миннген тау кибик.
- Эринчекни аурууу – кёб.
- Джыйырма къойну юч джыйырма эбзе кюте эди.
- Билими азны – ауузунда кирит.
- Юйюнгден чыкъдынг – кюнюнгден чыкъдынг.
- Къар – келтирди, суу – элтди.
- Бети – къучакълар, джюреги – бычакълар.
- Аш хазыр болса, иш харам болур.
- Къыз тиширыу кеси юйюнде да къонакъды.
- Хантына кёре тузу, юйюне кёре къызы.
- Кийим тукъум сордурур.
- Чакъырылгъанны аты, чакъырылмагъанны багъасы болур.
- Алим болгъандан эсе, адам болгъан къыйынды.
- Гугук кесини атын айтыб къычыргъанча, мен, мен деб нек тураса?
- Къалгъан ишге къар джауар.
- Ачыу алгъа келсе, акъыл артха къалады.
- Эски джаугъа ышанма.
- Азыгъы аз, алгъа къабар, аты аман, алгъа чабар.
- Ата – баланы уясы.
- Чыбыкълыкъда бюгюлмеген, къазыкълыкъда бюгюлмей эди.
- Ачылгъан эт джабылыр, кёрген кёз унутмаз.
- Джиби бир къат джетмей эди да, эки къат тарта эди.
- Къая джолда джортма, ачыкъ сёзден къоркъма.
- Акъыл аздырмаз, билим тоздурмаз.
- Ёлюк кебинсиз къалмаз.
- Аджалсыз ёлюм болмаз.
- Сёз сёзню айтдырыр.
Ошибка в статье "Быстрее, выше, сильнее".
|
И в ряд спортивных деятелей можно было бы добавить известного тренера по боксу Серго Жабоева, футболиста Али Алчагирова.
|
|
|
|
|
Читают тему (гостей: 1)