- Чабар ат – джетген къыз.
- Окъугъан озар, окъумагъан тозар.
- Уллу атлама – абынырса, уллу къабма – къарылырса.
- Къонагъынгы артмагъын алма да, алгъышын ал.
- Чомарт къолда мал къалмаз.
- Урунуу – насыбны анасы.
- Кирсизни – саны таза, халалны – къаны таза.
- Ишин билген, аны сыйын чыгъарады.
- Уруну арты – къуру.
- Ушамагъан – джукъмаз.
- Сабий болмагъан джерде, мёлек болмаз.
- Ургъан суудан башынгы сакъла.
- Ашына кёре табагъы, балына кёре къалагъы.
- «Ёгюз, джаргъа джууукъ барма, меннге джюк боллукъса», - дегенди эшек.
- Адамгъа аман кюн соруб келмейди.
- Чыкълы кюнде чыкъмагъан, чыкъса къуру кирмеген.
- Арпа, будай – ащды, алтын, кюмюш а – ташды.
- Урама да – ёледи, сатама да – келеди.
- Джети тилни билген джети кишиди.
- Ётген ёмюр – акъгъан суу.
- Эллинг бла джау болсанг да, юйюнг бла джау болма.
- Арыгъан къош чамчы болур.
- Чакъырылмай келген къонакъ сыйланмай кетер.
- Ишлегенде эринме, ишде чолакъ кёрюнме.
- Тил – кесген бычакъ, сёз – атылгъан окъ.
- Джарлыны тону джаз битер.
- Онгсузну – джакъла, тенгликни – сакъла.
- Аман адамны тепсинге олтуртсанг, къызынгы тилер.
- Ата джурт – алтын бешик.
- Джол бла сёзню къыйыры джокъ.
- Айран тёгюлсе, джугъусу къалыр.
- Джеринден айырылгъан – джети джылар, джуртундан айырылгъан – ёлгюнчю джылар.
- Уясында не кёрсе, учханында аны этер.
- Гугук кесини атын айтыб къычыргъанча, мен, мен деб нек тураса?
- Эринчекни аурууу – кёб.
- Бети бедерден, намыс сакълама.
- Булут кёкге джарашыу, уят бетге джарашыу.
- Билими азны – ауузунда кирит.
- Джюрек кёзден алгъа кёрюр.
- Джарлы джети элни сёзюн этер.
- Айтылгъан буйрукъ, сёгюлмез
- Ашда уялгъан – мухар, ишде уялгъан – хомух.
- Ичимден чыкъды хата, къайры барайым сата?
- Тойгъан антын унутур.
- Биреу ашаб къутулур, биреу джалаб тутулур.
- Келинни – келгинчи, бёркню кийгинчи кёр.
- Сагъышы джокъ – джукъучу, акъылы джокъ – къаугъачы.
- Ёмюрлюк шохлукъну джел элтмез.
- Ауурну тюбю бла, дженгилни башы бла джюрюген.
- Эрни эр этерик да, къара джер этерик да, тиширыуду.
Ошибка в статье "Быстрее, выше, сильнее".
11.03.2010 10:38:00
И в ряд спортивных деятелей можно было бы добавить известного тренера по боксу Серго Жабоева, футболиста Али Алчагирова.
|
|
|
|
Читают тему (гостей: 1)