- Къонакъ хазыр болгъанлыкъгъа, къонакъбай хазыр тюлдю.
- Сакъламагъан затынга джолукъсанг, не бек къууанаса, не бек ачыйса.
- Керти сёзге тёре джокъ.
- Кенгеш болса, уруш болмаз.
- Кимни – тили, тиши онглу, кимни – къолу, иши онглу.
- Тёрдеги кюлсе, эшикдеги ышарыр.
- Суугъа – таянма, джаугъа – ийнанма.
- Аууздан келген, къолдан келсе, ким да патчах болур эди.
- Таукел адам тау тешер.
- Къанны къан бла джуума, аманны аман бла къуума.
- Тойгъан джерге джети къайт.
- Уллу къазанда бишген эт, чий къалмаз.
- Нафысынгы айтханын этме, намысынгы айтханын эт.
- Адамны джюреги нени кёрюрге сюйсе, кёзю да аны кёрюрге ёч болады.
- Аз айтсам, кёб ангылагъыз.
- Эрине къаргъыш этген къатын, эрнин къабар.
- Атадан ёксюз – бир ёксюз, анадан ёксюз – эки ёксюз.
- Къумурсхала джыйылсала, пилни да джыгъадыла.
- Ачлыкъда тары гырджын халыуадан татлы.
- Атынг аманнга чыкъгъандан эсе, джанынг тамагъынгдан чыкъсын.
- Арыгъан къош чамчы болур.
- Чалманны аллы къалай башланса, арты да алай барады.
- Джюз элде джюз ёгюзюм болгъандан эсе, джюз джууугъум болсун.
- Айырылгъанланы айю ашар, бёлюннгенлени бёрю ашар.
- Асхат ашлыкъ сата, юйдегиси ачдан къата.
- Бозаны арты дауур болур.
- Ачылгъан эт джабылыр, кёрген кёз унутмаз.
- Байдан умут эте, джарлыдан ёгюз багъасы къорады.
- Иги адам абынса да, джангылмаз.
- Суугъа – чабакъ, къаягъа – ыргъакъ.
- Мени джылытмагъан кюн, меннге тиймесин!
- Билими азны – ауузунда кирит.
- Чакъырылмагъан джерге барма, чакъырылгъан джерден къалма.
- Чабар ат – джетген къыз.
- Кёпюр салгъан кеси ётер, уру къазгъан кеси кетер.
- Ёзденликни кёбю ётюрюк.
- Нарт сёз къарт болмаз.
- Ариу сёз – къылычдан джити.
- Джыгъылгъанны сырты джерден тоймаз.
- Сормай – алма, чакъырылмай – барма.
- Таукел тауну аудурур.
- Хар ишни да аллы къыйынды.
- Аманны тукъумуна къарама, игини тукъумун сорма.
- Къобан да къуру да къобханлай турмайды, адам да къуру да патчахлай турмайды.
- Джырчы джырчыгъа – къарнаш.
- Ач бёрюге мекям джокъ.
- Юй кюйдю да, кюйюз чыкъды, ортасындан тюйюш чыкъды.
- Ата – баланы уясы.
- Иги джашны ышаны – аз сёлешиб, кёб тынгылар.
- Аллахдан тилесенг, кёб тиле.
[ Закрыто ] Для некого Arturjana
04.10.2011 22:55:25
Не отвлекайте его !!! Он фотки должен вывесить
|
|
|
|
04.10.2011 23:54:16
Надеюсь это у него получается куда лучше, чем размышления о 5 горских обществах.
|
|
|
|
05.10.2011 00:08:07
для личных обращений есть лички. |
||||
|
|
|||
Читают тему (гостей: 1)