- Ишин билген, аны сыйын чыгъарады.
- Ауузу аманнга «иги», деме.
- Джангызны оту джарыкъ джанмаз!
- Къыз келсе, джумуш эте келеди, къатын келсе, ушакъ эте келеди.
- Джарлы эскисин джамаса, къууаныр.
- Сабий болмагъан джерде, мёлек болмаз.
- Кечеси – аяз, кюню – къыш, джарлы къаргъагъа бир аш тюш!
- Таукел тауну аудурур.
- Термилгенинги табмазса, кюлгенинге тюберсе.
- Уллу суу бла уллу ауруудан башынгы сакъла.
- От этилмеген джерден тютюн чыкъмайды.
- Тилчиден кери бол.
- Атлыны ашхысы, ат тизгининден билинир
- Ёзденликни джайгъан – джокълукъ.
- Айыбны суу бла джууалмазса.
- Къызбайны юйюне дери сюрсенг, батыр болур.
- Шайтан алдады, тюзлюк къаргъады.
- Аджашханны ызындагъы кёреди, джангылгъанны джанындагъы биледи.
- Ичимден чыкъды хата, къайры барайым сата?
- Чакъырылмагъан къонакъ тёрге атламаз.
- Ариу сёз аурууунгу алыр.
- Билим – акъылны чырагъы.
- Чомарт къонакъ юй иесин сыйлар.
- Кёб къычыргъандан – къоркъма, тынч олтургъандан – къоркъ.
- Кёбден умут этиб, аздан къуру къалма.
- Сабийни джумушха джибер да, ызындан бар.
- Сагъыш – къартлыкъгъа сюйюмчю.
- Бюгюн дуния кибик, тамбла ахыратды.
- Ана къолу ачытмаз.
- Аллахха ийнаннган кишини, Аллах онгдурур ишин.
- Ёлген эшек бёрюден къоркъмайды.
- Ойнай-ойнай кёз чыгъар.
- Бек анасы джыламаз.
- Окъдан джара эртде-кеч болса да бителир, сёз джара, ёмюрге къалыр.
- Нёгерсизни джолу узун.
- Керилген да, ургъан кибикди.
- Адамны сыфатына къарама, сёзюне къара.
- Баргъанынга кёре болур келгенинг.
- Намысы болмагъанны, сыйы болмаз.
- Суугъа – чабакъ, къаягъа – ыргъакъ.
- Айтхан сёзюне табылгъан.
- Кёрмегеннге кебек – танг, битмегеннге сакъал – танг.
- Иги адам абынса да, джангылмаз.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Аш хазыр болса, иш харам болур.
- Байлыкъ тауусулур, билим тауусулмаз.
- Джаханимни кёрмей, джандетге кёл салмазса.
- Тойгъан джерге джети къайт.
- Аллахдан тилесенг, кёб тиле.
- Ачлыкъ отха секиртир.
[ Закрыто ] Для некого Arturjana
04.10.2011 22:55:25
Не отвлекайте его !!! Он фотки должен вывесить
|
|
|
|
04.10.2011 23:54:16
Надеюсь это у него получается куда лучше, чем размышления о 5 горских обществах.
|
|
|
|
05.10.2011 00:08:07
для личных обращений есть лички. |
||||
|
|
|||
Читают тему (гостей: 1)