- Гырджын – тепсини тамадасы.
- Эшекге миннген – биринчи айыб, андан джыгъылгъан – экинчи айыб.
- Джарлыны тону джаз битер.
- Бети къызарыучу адамны, джюреги харам болмаз.
- Этни да ашады, бетни да ашады.
- Ёнгкюч къууана барыр, джылай келир.
- Тыш элде солтан болгъандан эсе, кесинги элде олтан болгъан игиди!
- Тил – миллетни джаны.
- Джолунга кёре – джюрюшюнг, джагъанга кёре – юлюшюнг.
- Ашда уялгъан – мухар, ишде уялгъан – хомух.
- Иши джокъну, сыйы джокъ.
- Тюзлюк шохлукъну бегитир.
- Чыбыкълыкъда бюгюлмеген, къазыкълыкъда бюгюлмей эди.
- Ишленмеген джаш – джюгенсиз ат, ишленмеген къыз – тузсуз хант.
- Эли джокъну – кёлю джокъ.
- «Ёгюз, джаргъа джууукъ барма, меннге джюк боллукъса», - дегенди эшек.
- Джашлыкъ этмеген, башлыкъ этмез.
- Элге къуллукъ этмеген, элге ие болмаз.
- Аз сёлешген, къайгъысыз турур.
- Гугук кесини атын айтыб къычыргъанча, мен, мен деб нек тураса?
- Къарыусузгъа кюлме, онгсузгъа тийме.
- Aдам боллукъ, сыфатындан белгили.
- Мени джылытмагъан кюн, меннге тиймесин!
- Керти сёзге тёре джокъ.
- Джауумдан сора, кюн кюйдюрюр, ётюрюкден сора, айыб кюйдюрюр.
- Акъдан къара болмаз.
- Адамны артындан къара сабан сюрме.
- Тёгюлген тюгел джыйылмайды.
- Киштикге къанат битсе, чыпчыкъ къалмаз эди.
- Ёксюзню тилеги къабыл болур.
- Джюрекден джюрекге джол барды.
- Кеси юйюмде мен да ханма.
- Адамны адамлыгъы къыйынлыкъда айгъакъланады.
- Башланнган иш битер, къымылдагъан тиш тюшер.
- Чакъырылмагъан къонакъ – орунсуз.
- Башы ишлегенни, ауузу да ишлер.
- Зар адамны насыбы болмаз.
- Джашны джигитлиги сорулур, къызны джигерлиги сорулур.
- Байлыкъ болгъан джерде, тынчлыкъ джокъду.
- Билмезни кёзю кёрмез, этмезни къулагъы эшитмез.
- Ашхы болсанг, атынг чыгъар, аман болсанг, джанынг чыгъар.
- Ач къалгъандан, кеч къалгъан къолай.
- Ёлюр джаннга, ёкюл джокъ.
- Ач къарынны, токъ билмез
- Джюз элде джюз ёгюзюм болгъандан эсе, джюз джууугъум болсун.
- Ашыкъгъанны этеги бутуна чырмалыр.
- Соргъан айыб тюлдю, билмеген айыбды.
- Къобан да къуру да къобханлай турмайды, адам да къуру да патчахлай турмайды.
- Тилсиз миллет джокъ болур.
- Ойнай билмеген, оюн бузар.
[ Закрыто ] Для некого Arturjana
04.10.2011 22:55:25
Не отвлекайте его !!! Он фотки должен вывесить
|
|
|
|
04.10.2011 23:54:16
Надеюсь это у него получается куда лучше, чем размышления о 5 горских обществах.
|
|
|
|
05.10.2011 00:08:07
для личных обращений есть лички. |
||||
|
|
|||
Читают тему (гостей: 1)