- Тас болгъан бычакъны сабы – алтын.
- Баланы адам этген анады.
- Ариу сёз джыланны орнундан чыгъарыр.
- Чомарт къонакъ юй иесин сыйлар.
- Биреуге аманлыкъны тилеме да, кесинге ашхылыкъны тиле.
- Аллахдан тилесенг, кёб тиле.
- Иги сёз – джаннга азыкъ, аман сёз башха – къазыкъ.
- Ана кёлю – балада, бала кёлю – талада.
- Эртде тургъан джылкъычыны эркек аты тай табар.
- Адам сёзге тынгыла, акъыл сёзню ангыла.
- Ишленмеклик адамлыкъды.
- Аман къатын сабий табса, бий болур…
- Тели турса – той бузар.
- Тойгъан джерден туугъан джер игиди.
- Гугук кесини атын айтыб къычыргъанча, мен, мен деб нек тураса?
- Таш ата билмеген, башына урур.
- Аман адам этегингден тутса, кес да къач.
- Аякъларынгы джууургъанынга кёре узат.
- Баргъанынга кёре болур келгенинг.
- Ётюрюкден тюбю джокъ, кёлтюрюрге джиби джокъ.
- Айраннга суу къош, телиге джол бош.
- Ашлыкъ – бюртюкден, джюн – тюкден.
- Онгсузну – джакъла, тенгликни – сакъла.
- Садакъачыны джаны – къапчыгъында.
- Джауумдан сора, кюн кюйдюрюр, ётюрюкден сора, айыб кюйдюрюр.
- Ёзденликни джайгъан – джокълукъ.
- Ат да турмайды бир териде.
- Къонакъ кёб келюучю юйню, къазаны отдан тюшмез.
- Билеги кючлю, бирни джыгъар, билими кючлю, мингни джыгъар.
- Эри аманны, къатыны – аман.
- Суугъа – чабакъ, къаягъа – ыргъакъ.
- Ариу джол аджал келтирмез.
- Къанны къан бла джуума, аманны аман бла къуума.
- Къарнынг бла ёч алма.
- Болджал ишни бёрю ашар.
- Намыс сатылыб алынмайды.
- Ашарыкъда сайлагъаннга – чий гырджын.
- Джетген къыз джерли эшекни танымаз.
- Окъугъан – асыу, окъумагъан – джарсыу.
- Ауругъанны сау билмез, ач къарынны токъ билмез.
- Джигер – джаннга къыйынлыкъ.
- Къарын къуру болса, джюрек уру болур.
- Ач къарным, тынч къулагъым.
- Кенгеш болса, уруш болмаз.
- Харам къарнашдан, халал тенг ашхы.
- Къуру гыбыт бек дыгъырдар.
- Иги адамны бир сёзю эки болмаз.
- Ачыкъ джюрекге джол – ачыкъ.
- Адамны аманы адамны бети бла ойнар.
- Таукелге нюр джауар.
