- Чарсда алчыны эл кёреди.
- Чомарт къолда мал къалмаз.
- Джукъу тёшек сайламайды.
- Рысхысына кёре, джаш ёсер, къышлыгъына кёре, мал ёсер.
- Ачылгъан эт джабылыр, кёрген кёз унутмаз.
- Джангыз торгъай джырламаз.
- Адам къыйынлыгъын кёлтюрюр, зауукълугъун кёлтюрмез.
- Экеулен сёлеше тура эселе, орталарына барыб кирме.
- Къаллай салам берсенг, аллай джууаб алырса.
- Аурууну келиую тынч, кетиую – къыйын.
- Аман къатын алгъан, арыр, иги къатын алгъан джарыр.
- Халкъны юйю – туугъан джери.
- Ата Джуртун танымагъан, атасын да танымаз.
- Ишни аллы бла къууанма да, арты бла къууан.
- Къарт айтханны этмеген, къартаймаз.
- Джеринден айырылгъан – джети джылар, джуртундан айырылгъан – ёлгюнчю джылар.
- Биреу къой излей, биреу той излей.
- Иги сеники эсе да, сюйген кесимикин этеме.
- Ёлген ийнек сютлю болур.
- Къоркъакъны кёзю экили кёрюр.
- Ачлыкъда тары гырджын халыуадан татлы.
- Тура эдим джата, къайдан чыкъды хата?
- Зарда марда джокъ.
- Джигер – джаннга къыйынлыкъ.
- Таш ата билмеген, башына урур.
- Уллу къашыкъ эрин джыртар.
- Джылар джаш, атасыны сакъалы бла ойнар.
- Сакъламагъан затынга джолукъсанг, не бек къууанаса, не бек ачыйса.
- Ач бёрюге мекям джокъ.
- Ашхылыкъ джерде джатмайды, аманлыкъ суугъа батмайды.
- Адамны аманы адамны бети бла ойнар.
- Джыланны къуйругъундан басарынг келсе, аны башы болгъанын унутма.
- Чомарт джарлы болмаз.
- Сёз къанатсыз учар.
- Аш берме да, къаш бер.
- Къартны бурнун сюрт да, оноугъа тут.
- Билим насыб берир, билим джолну керир.
- Джылкъыдан – ат чыгъар, тукъумдан – джаш чыгъар.
- Чакъырылмай келген къонакъ сыйланмай кетер.
- Кёбню кёрген – кёб билир.
- Ата – баланы уясы.
- Этим кетсе да, сюегим къалыр.
- Тенги кёбню джау алмаз, акъылы кёбню дау алмаз.
- Тойну къарнашы – харс, джырны къарнашы – эжиу.
- Джыйырма къойну юч джыйырма эбзе кюте эди.
- Юйюнг бла джау болгъандан эсе, элинг бла джау бол.
- Байны оноуу, джарлыгъа джарамаз.
- Мухардан ач ычхынмаз.
- Чабакъсыз кёлге къармакъ салгъанлыкъгъа, чабакъ тутмазса.
- Насыб бютеу халкъны юлюшюдю.
