- Бёрю да ач къалмасын, эчки да ашалмасын.
- Aдам боллукъ, сыфатындан белгили.
- Кирсизни – саны таза, халалны – къаны таза.
- Аджалсыз ёлюм болмаз.
- Ариу сёз – джаннга азыкъ, аман сёз – башха къазыкъ.
- Болджал ишни бёрю ашар.
- Тойну къарнашы – харс, джырны къарнашы – эжиу.
- Юре билмеген ит, къонакъ келтирир.
- Керек ташны ауурлугъу джокъ.
- Ашлыкъ – бюртюкден, джюн – тюкден.
- Кёл – къызбай, къол – батыр.
- Джан саулукъ бермей, сан саулукъ бермезсе.
- Акъыллы башны – тили къысха.
- Аман адам элни бир-бирине джау этер.
- Сёз садакъдан кючлюдю.
- Къызын тута билмеген, тул этер, джашын тута билмеген, къул этер.
- Телиге от эт десенг, юйюнге от салыр.
- Джаралыны джастыгъында сау ёлюр.
- Келлик заман – къартлыкъ келтирир, кетген заман – джашлыкъ ёлтюрюр.
- Арыгъан къош чамчы болур.
- Игиге айтсанг – билир, аманнга айтсанг – кюлюр.
- Босагъагъа джууукъ орун болса, ашыгъыб тёрге озма.
- Кёб джат да, бек чаб.
- Акъыллы эркиши атын махтар, акъылсыз эркиши къатынын махтар.
- Джарлы тюеге минсе да, ит къабар.
- Айтхан сёзюне табылгъан.
- Окъуусуз билим – джокъ, билимсиз кюнюнг – джокъ.
- Илму – джашауну джолу.
- Джыгъылгъанны сырты джерден тоймаз.
- Эл бла кёргенинг эрелей.
- Адамны сыфатына къарама, сёзюне къара.
- Намысы болмагъанны, сыйы болмаз.
- Эркишини аманы тиширыуну джылатыр.
- Окъумагъан сокъурду, сокъур ташха абыныр!
- Дуния аламаты сен эсенг да, игиме деб айтма.
- Тёзгеннге, джабылгъан эшик ачылыр.
- Къарт болгъан джерде, берекет болур, сабий болгъан джерде, оюн болур.
- Айырылмаз джууугъунга, унутмаз сёзню айтма.
- Келинни – келгинчи, бёркню кийгинчи кёр.
- Ишни аллы бла къууанма да, арты бла къууан.
- Чомарт къонакъ юй иесин сыйлар.
- Аман киши кеси юйюнде – къонакъ.
- Ачыу алгъа келсе, акъыл артха къалады.
- Хата – гитчеден.
- Экеулен сёлеше тура эселе, орталарына барыб кирме.
- Тойгъан джерге джети къайт.
- Элиб деген, элге болушур.
- Джумушакъ терекни къурт ашар.
- Байлыкъ адамны сокъур этер.
- Орундукъ тюбюнде атылсам да, орта джиликме, де да айлан.