- Ариу сёз – къылычдан джити.
- Ёгюзню мюйюзюнден тутадыла, адамны сёзюнден тутадыла.
- Акъыл бла адеб эгизледиле.
- Тик ёргени, тик энгишгеси да болады.
- Босагъагъа джууукъ орун болса, ашыгъыб тёрге озма.
- Ашхы атаны – джашы ашхы, ашхы ананы – къызы ашхы.
- Иги – алгъыш этер, аман – къаргъыш этер.
- Джолунга кёре – джюрюшюнг, джагъанга кёре – юлюшюнг.
- Къозулугъунда тоймагъан, къойлугъунда тоймаз.
- Къатын байлыкъны сюер, эр саулукъну сюер.
- Джылыгъа джылан илешир.
- Кёбден умут этиб, аздан къуру къалма.
- Этни бети бла шорпасы.
- Термилгенинги табмазса, кюлгенинге тюберсе.
- Онгсузну – джакъла, тенгликни – сакъла.
- Эки къатын алгъанны къулагъы тынгнгаймаз.
- Кесинге джетмегенни, кёб сёлешме.
- Кийимни бичсенг, кенг бич, тар этген къыйын тюлдю.
- Ётюрюкню къуйругъу – бир тутум.
- Джан саулукъ бермей, сан саулукъ бермезсе.
- Ханнга да келеди хариблик.
- Арыгъан къош чамчы болур.
- Биреуню къыйынлыгъы бла кесинге джол ишлеме.
- Биреуге аманлыкъны тилеме да, кесинге ашхылыкъны тиле.
- Джумушакъ терекни къурт ашар.
- Айтхан сёзюне табылгъан.
- Акъыллы башны – тили къысха.
- Хата – гитчеден.
- Джырчы джырчыгъа – къарнаш.
- Минг тенг да азды, бир джау да кёбдю.
- Малны кют, джерни тюрт.
- Тюкюрюк баш джармаз, налат кёз чыгъармаз!
- Къайгъыны сюйген, къайгъы табар.
- Ач, тоймам, дейди, тойгъан, ач болмам, дейди.
- Аурууну келиую тынч, кетиую – къыйын.
- Аман адам этегингден тутса, кес да къач.
- Джюрекге ариу – кёзге да ариу.
- Байны оноуу, джарлыгъа джарамаз.
- Намыс болмагъан джерде, насыб болмаз.
- Зар адамны насыбы болмаз.
- Аш берме да, къаш бер.
- Гыдай эчки суугъа къараб, мюйюзле кёрмесе, джашма алкъын, дегенди.
- Элде адам къалмаса, ит тахтагъа минер.
- Ойнаб айтсанг да, эслеб айт.
- Эркиши – от, тиширыу – суу.
- Нёгерсизни джолу узун.
- Къуру гыбыт бек дыгъырдар.
- Хар сёзню орну барды.
- Къыйынлы джети элге оноу этер.
- Джыйырма къойну юч джыйырма эбзе кюте эди.
