- Чакъырылмагъан къонакъ – орунсуз.
- Къанны къан бла джуума, аманны аман бла къуума.
- Таула не мийик болсала да, аууш табылыр.
- Къарт айтханны этмеген, къартаймаз.
- Игини сыйлагъан адетди.
- Ачылгъан эт джабылыр, кёрген кёз унутмаз.
- Олтуруб кёрюнмей эди да, ёрге туруб кёрюне эди.
- Ариу джол аджал келтирмез.
- Телиге от эт десенг, юйюнге от салыр.
- Сёз сёзню айтдырыр.
- Билмейме деген – бир сёз
- Иги сеники эсе да, сюйген кесимикин этеме.
- Бир абыннган – минг сюрюнюр.
- Кечеси – аяз, кюню – къыш, джарлы къаргъагъа бир аш тюш!
- Джашда акъыл джокъ, къартда къарыу джокъ.
- Этни да ашады, бетни да ашады.
- Къыйынлы джети элге оноу этер.
- Рысхысына кёре, джаш ёсер, къышлыгъына кёре, мал ёсер.
- Сабыр джетер муратха, сабырсыз къалыр уятха.
- Уясында не кёрсе, учханында аны этер.
- Итли къонакъ джарашмаз.
- Бермеген къол, алмайды.
- Тёрде – темир таякълы, къаяда – чыпчыкъ аякълы.
- Джеринден айырылгъан – джети джылар, джуртундан айырылгъан – ёлгюнчю джылар.
- Келгинчи, къонакъ уялыр, келгенден сора, къонакъбай уялыр.
- Иги адамны бир сёзю эки болмаз.
- Бир онгсуз адам адет чыгъарды, деб эштирик тюлсе.
- Акъдан къара болмаз.
- Ишге юренсин къоллары, халкъ бла болсун джоллары.
- Гыдай эчки суугъа къараб, мюйюзле кёрмесе, джашма алкъын, дегенди.
- Джыгъылгъанны сырты джерден тоймаз.
- Башы ишлегенни, ауузу да ишлер.
- Тели турса – той бузар.
- Намыс болмагъан джерде, насыб болмаз.
- Тилсиз миллет джокъ болур.
- Ургъан суудан башынгы сакъла.
- Хансыз джомакъ болмаз.
- Джырына кёре эжиую.
- Къатыны харакетли болса, эри къымсыз болур.
- Асхат ашлыкъ сата, юйдегиси ачдан къата.
- Ариу сёз аурууунгу алыр.
- Танг атмайма десе да, кюн къоярыкъ тюйюлдю.
- Айырылгъанланы айю ашар, бёлюннгенлени бёрю ашар.
- Битмегеннге сакъал – танг.
- Уллу суу бла уллу ауруудан башынгы сакъла.
- Туз, гырджын аша, тюзлюк бла джаша.
- Джашынгы кесинг юретмесенг, джашау юретир.
- Ёлмесенг да, къарт дамы болмазса?
- Адебсиз адам – джюгенсиз ат.
- Айтхан сёзюне табылгъан.
КЕЛЕДИ КЪЫРКЪЫМБАЕВ..
03.10.2011 03:18:44
гоккачыкъ
allai talanting barese, SHAT bla birge djazig`izda, SSSRni da podklyuchiti, bir komediya chig`arig`z, shooooo |
|
|
|
03.10.2011 03:23:07
СССР бла ШАТ чыгъырыргъа да болурла ... мен а бир безий айланган къарангы Малкъар келин ))))))))))))))) |
|
|
|
02.11.2011 22:30:54
Продолжение следует?))
|
||||
|
|
|||
Читают тему (гостей: 1)