- Аууздан келген, къолдан келсе, ким да патчах болур эди.
- Элни кючю – эмеген.
- Гугурук къычырмаса да, тангны атары къалмаз.
- Урама да – ёледи, сатама да – келеди.
- Кюл тюбюндеги от кёрюнмейди.
- Тилчи тилден къаныкъмаз.
- Мал кёб болса, джууукъ кёб болур.
- Джарлыны эшигин махтагъан джабар.
- От кюйдюрген, сау болса да, тот кюйдюрген, сау болмаз.
- Тик ёргени, тик энгишгеси да болады.
- Кёрмегеннге кебек – танг, битмегеннге сакъал – танг.
- Тура эдим джата, къайдан чыкъды хата?
- Ариуну – ауруу кёб.
- Къонакъ хазыр болгъанлыкъгъа, къонакъбай хазыр тюлдю.
- Бозаны арты дауур болур.
- Окъуусуз билим – джокъ, билимсиз кюнюнг – джокъ.
- Сютню башын джалагъан къутулур, тюбюн ичген тутулур.
- Башы джабылгъан челекге, кир тюшмез.
- Къартны бурнун сюрт да, оноугъа тут.
- Эски джаугъа ышанма.
- Накъырда – кертини келечиси.
- Сабий болмагъан джерде, мёлек болмаз.
- Билгенни къолу къарны джандырыр.
- Тулпарлыкъ, билекден тюл – джюрекден.
- Ишлемеген – тишлемез.
- Экеу тутушса, биреу джыгъылыр.
- Уллу айтханны этмеген – уллаймаз.
- Махтаннган къыз, тойда джукълар.
- Аман адам этегингден тутса, кес да къач.
- Къазанны башы ачыкъ болса, итге уят керекди.
- Хар сёзню орну барды.
- Эл бла кёргенинг эрелей.
- Айтхан сёзюне табылгъан.
- Ёлюк кебинсиз къалмаз.
- Хоншуну тауугъу къаз кёрюнюр, келини къыз кёрюнюр.
- Биреу къой излей, биреу той излей.
- Ашыкъгъанны этеги бутуна чырмалыр.
- Кютгени беш эчки, сызгъыргъаны уа, джерни джарады.
- Берекет берсин деген джерде, берекет болур.
- Кийимни бичсенг, кенг бич, тар этген къыйын тюлдю.
- Миллетни бойну – базыкъ, аны бла кюрешген – джазыкъ.
- Иги сеники эсе да, сюйген кесимикин этеме.
- Итли къонакъ джарашмаз.
- Эрни эр этерик да, къара джер этерик да, тиширыуду.
- Къумурсхала джыйылсала, пилни да джыгъадыла.
- Ишленмеклик адамлыкъды.
- Ёлюр джаннга, ёкюл джокъ.
- Тамырсыз терекге таянма – джыгъылырса.
- Къыз чыгъаргъан – къызыл къымжа.
- Кёб ашасанг, татыуу чыкъмаз, кёб сёлешсенг, магъанасы чыкъмаз.
КЕЛЕДИ КЪЫРКЪЫМБАЕВ..
03.10.2011 03:18:44
гоккачыкъ
allai talanting barese, SHAT bla birge djazig`izda, SSSRni da podklyuchiti, bir komediya chig`arig`z, shooooo |
|
|
|
03.10.2011 03:23:07
СССР бла ШАТ чыгъырыргъа да болурла ... мен а бир безий айланган къарангы Малкъар келин ))))))))))))))) |
|
|
|
02.11.2011 22:30:54
Продолжение следует?))
|
||||
|
|
|||
Читают тему (гостей: 1)