- Адеби болмагъан къыз – тузсуз хант.
- Ётюрюкню къуйругъу – бир тутум.
- Арыгъан къош чамчы болур.
- Эки итни арасына сюек атма, эки адамны арасында сёз чыгъарма.
- Бет бетге къараса, бет да джерге къарар.
- Окъуусуз билим – джокъ, билимсиз кюнюнг – джокъ.
- Иги сёз – джаннга азыкъ, аман сёз башха – къазыкъ.
- Мал кёб болса, джууукъ кёб болур.
- Хатерли къул болур.
- Къарны аманнга къазан такъдырма, къолу аманнга от джакъдырма.
- Адамны адамлыгъы къыйынлыкъда айгъакъланады.
- Къонакъ аз олтурур, кёб сынар.
- Къар – келтирди, суу – элтди.
- Хунаны тюбюн къазсанг, юсюнге ауар.
- Юйюнгден чыкъдынг – кюнюнгден чыкъдынг.
- Къарт болгъан джерде, берекет болур, сабий болгъан джерде, оюн болур.
- Иги бла джюрюсенг, джетерсе муратынга, аман бла джюрюсенг, къалырса уятха.
- Ауругъанны сау билмез, ач къарынны токъ билмез.
- Къайтырыкъ эшигинги, къаты уруб чыкъма.
- Иши джокъну, сыйы джокъ.
- Намысы джокъну – дуниясы джокъ.
- Чомарт бергенин айтмаз.
- Джыланны къуйругъундан басарынг келсе, аны башы болгъанын унутма.
- Билим насыб берир, билим джолну керир.
- Сагъышы джокъ – джукъучу, акъылы джокъ – къаугъачы.
- Кёбге таш атма.
- Къарнынг ауруса, ауузунгу тый
- Юйлю уругъа ит чабмаз.
- Джаш къарыу бла кючлю, къарт акъыл бла кючлю.
- Кёзюнде тереги болгъан, чёбю болгъаннга кюле эди.
- Кюн кёрмеген, кюн кёрсе, кюндюз чыракъ джандырыр.
- Мураты болгъанны джюрек тебюую башхады.
- Тёзгеннге, джабылгъан эшик ачылыр.
- Сабыр джетер муратха, сабырсыз къалыр уятха.
- Нафысынгы айтханын этме, намысынгы айтханын эт.
- Джюрекге ариу – кёзге да ариу.
- Тилсиз миллет джокъ болур.
- Таякъ этден ётер, тил сюекден ётер.
- Къайгъыны сюйген, къайгъы табар.
- Кёрмегеннге кебек – танг, битмегеннге сакъал – танг.
- Аман хансны – урлугъу кёб.
- Биреу ашаб къутулур, биреу джалаб тутулур.
- Тюз сёз баргъан сууну тыяр.
- Насыблы элин сюер, насыбсыз кесин сюер.
- Уллу атлама – абынырса, уллу къабма – къарылырса.
- Байма, деб да, къууанма, джарлыма, деб да, джылама.
- Башынга джетмегенни сорма.
- Ач отунчуну ачыуу – бурнунда.
- Билим – акъылны чырагъы.
- Тойгъа барсанг, тоюб бар, эски тонунгу къоюб бар.
?Республику выбрали слабым звеном на Кавказе?
24.01.2011 20:46:05
|
|
|
|
Читают тему (гостей: 1)