- Шайтан алдады, тюзлюк къаргъады.
- Чакъырылмагъан къонакъ къачан кетерин сормаз.
- Сескекли кесин билдирир.
- Адеби болмагъан къыз – тузсуз хант.
- Ётюрюкню башын керти кесер.
- Чакъырылмагъан джерге барма, чакъырылгъан джерден къалма.
- Эркишиге тары кебек танг кёрюнюр.
- Ёлген эшек бёрюден къоркъмайды.
- Биреу къой излей, биреу той излей.
- Хазыр ашха – терен къашыкъ.
- Чарсда алчыны эл кёреди.
- Онгсузну – джакъла, тенгликни – сакъла.
- Кёл – къызбай, къол – батыр.
- Къарыусузгъа кюлме, онгсузгъа тийме.
- Джыланны къуйругъундан басарынг келсе, аны башы болгъанын унутма.
- Баргъанынга кёре болур келгенинг.
- Мени джылытмагъан кюн, меннге тиймесин!
- Кеси юйюмде мен да ханма.
- Сютден ауузу кюйген, суугъа юфгюре эди.
- Къарнынг тойгъунчу аша да, белинг талгъынчы ишле.
- Акъыллы башны – тили къысха.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Баш – акъыл ючюн, акъылман – халкъ ючюн.
- Къазанны башы ачыкъ болса, итге уят керекди.
- Адам боллукъ, атламындан белгили болур.
- Тёгюлген тюгел джыйылмайды.
- Тил джюрекге джол ишлейди.
- Кёб къычыргъандан – къоркъма, тынч олтургъандан – къоркъ.
- Ётюрюкню къуйругъу – бир тутум.
- Итли къонакъ джарашмаз.
- Байдан умут эте, джарлыдан ёгюз багъасы къорады.
- Эри аманны, къатыны – аман.
- Джаш къарыу бла кючлю, къарт акъыл бла кючлю.
- Ариу сёз аурууунгу алыр.
- Къарнынг бла ёч алма.
- Къонакъ кёб келюучю юйню, къазаны отдан тюшмез.
- Бети бедерден, намыс сакълама.
- Эски джаугъа ышанма.
- Билеги кючлю, бирни джыгъар, билими кючлю, мингни джыгъар.
- Киштикге къанат битсе, чыпчыкъ къалмаз эди.
- Берекет берсин деген джерде, берекет болур.
- Къар – келтирди, суу – элтди.
- Хаухну атма, ёнгкючню сатма.
- Къозулугъунда тоймагъан, къойлугъунда тоймаз.
- Тенгни тенглиги джашай барсанг билинир.
- Сагъышы джокъ – джукъучу, акъылы джокъ – къаугъачы.
- Азыкъ аз болса, эртде орун сал.
- Дженгил джетерикме деб, узун джолну къоюб, къысхасын барма.
- Минг тенг да азды, бир джау да кёбдю.
- Байма, деб да, къууанма, джарлыма, деб да, джылама.
?Республику выбрали слабым звеном на Кавказе?
24.01.2011 20:46:05
|
|
|
|
Читают тему (гостей: 1)