- Иги адамны бир сёзю эки болмаз.
- Къызны минг тилер, бир алыр.
- Хатерли къул болур.
- Джаш болсун, къыз болсун, акъылы, саны тюз болсун.
- Киштикге къанат битсе, чыпчыкъ къалмаз эди.
- Эшекни не къадар тюйсенг да, ат болмаз.
- Хансыз джомакъ болмаз.
- Эки итни арасына сюек атма, эки адамны арасында сёз чыгъарма.
- Азыкълы ат арымаз, къатыны аман джарымаз.
- Тил – миллетни джаны.
- Иши джокъну, сыйы джокъ.
- Эркишини аманы тиширыуну джылатыр.
- Акъыл сабырлыкъ берир.
- Къатын байлыкъны сюер, эр саулукъну сюер.
- Тойгъандан сора, ашны сёкме.
- Аш хазыр болса, иш харам болур.
- Дженгил джетерикме деб, узун джолну къоюб, къысхасын барма.
- Джыйырма къойну юч джыйырма эбзе кюте эди.
- Къартха ушагъан джаш – акъыллы, джашха ушагъан къарт – тели.
- Къан бла кирген, джан бла чыгъар.
- Аманнга игилик этсенг, юйюнге сау бармазса.
- Аш иеси бла татлыды.
- Урунуу – насыбны анасы.
- Къайгъы тюбю – тенгиз.
- Уллу сёлешме да, уллу къаб.
- Уллу къазанда бишген эт, чий къалмаз.
- Эрине къаргъыш этген къатын, эрнин къабар.
- Этек чакъмакълары баш джаргъан, сёлешген сёзлери таш джаргъан.
- Адеб этмеген, адеб кёрмез.
- Ётюрюк хапар аякъ тюбю бла джюрюйдю.
- Башынга джетмегенни сорма.
- Суугъа – таянма, джаугъа – ийнанма.
- Нарт сёз – тилни бети.
- Тил джюрекге джол ишлейди.
- Суу ичген шауданынга тюкюрме.
- Джырчы джырчыгъа – къарнаш.
- Чомарт къонакъ юй иесин сыйлар.
- Аманнга алтын чыдамаз.
- Этим кетсе да, сюегим къалыр.
- Атлыны ашхысы, ат тизгининден билинир
- Тилчи тилден къаныкъмаз.
- Иги джашны ышаны – аз сёлешиб, кёб тынгылар.
- Ашха уста, юйюнде болсун
- Аман киши кеси юйюнде – къонакъ.
- Айранын берсенг, челегин да къызгъанма.
- Кёлсюзден сёзсюз тууар.
- Насыблы элин сюер, насыбсыз кесин сюер.
- Аджашхан тёгерек айланыр.
- Зар адам ашынгы ашар, кесинги сатар.
- Кёзю сокъурдан – къоркъма, кёлю сокъурдан – къоркъ.
