- Рысхы – насыбха къор.
- Айтылгъан сёз ызына къайтмаз.
- Ёлмесенг да, къарт дамы болмазса?
- Урунуу – насыбны анасы.
- Суугъа – таянма, джаугъа – ийнанма.
- Байма, деб да, къууанма, джарлыма, деб да, джылама.
- Нафысынгы айтханын этме, намысынгы айтханын эт.
- Мени джылытмагъан кюн, меннге тиймесин!
- Асхат ашлыкъ сата, юйдегиси ачдан къата.
- Билгенни къолу къарны джандырыр.
- Айтхан сёзюне табылгъан.
- Ариу – кёзге, акъыл – джюрекге.
- Ач да бол, токъ да бол – намысынга бек бол.
- Билмезни кёзю кёрмез, этмезни къулагъы эшитмез.
- Байлыкъ келсе, акъыл кетер.
- Узун джолну барсанг, бюгюн келирсе, къысха джолну барсанг, тамбла келирсе.
- Эки итни арасына сюек атма, эки адамны арасында сёз чыгъарма.
- Джыйырма къойну юч джыйырма эбзе кюте эди.
- Тил бла келеди джыр да.
- Джигер – джаннга къыйынлыкъ.
- Намысы болмагъанны, сыйы болмаз.
- Аманны тукъумуна къарама, игини тукъумун сорма.
- Эл ауузу – элия.
- Аш хазыр болса, иш харам болур.
- Халкъны юйю – туугъан джери.
- Къонагъы джокъну – шоху джокъ.
- Чакъырылмагъан къонакъ тёрге атламаз.
- Къазанда болса, чолпугъа чыгъар.
- Билим насыб берир, билим джолну керир.
- Ушамагъан – джукъмаз.
- Тёгюлген тюгел джыйылмайды.
- Аз айтсам, кёб ангылагъыз.
- Шайтан алдады, тюзлюк къаргъады.
- Ата джурт – алтын бешик.
- Къуру гыбыт бек дыгъырдар.
- Кийимни бичсенг, кенг бич, тар этген къыйын тюлдю.
- Айраннга суу къош, телиге джол бош.
- Джарлы эскисин джамаса, къууаныр.
- Къарнынг ауруса, ауузунгу тый
- Къумурсхала джыйылсала, пилни да джыгъадыла.
- Нёгер болсанг, тенг бол, тенг болмасанг, кенг бол.
- Биреуню эскиси биреуге джангы болмайды.
- Аш иеси бла татлыды.
- Намыс болмагъан джерде, насыб болмаз.
- Сормай – алма, чакъырылмай – барма.
- Минг тенг да азды, бир джау да кёбдю.
- Арпа, будай – ащды, алтын, кюмюш а – ташды.
- Къалгъан ишге къар джауар.
- Адебсиз адам – джюгенсиз ат.
- Къуллукъчума, деб махтанма, къуллукъ – хаух джамчыды!
