- Окъугъан – асыу, окъумагъан – джарсыу.
- Ач, тоймам, дейди, тойгъан, ач болмам, дейди.
- Ат басханны джер билед.
- Арба аугъандан сора, джол кёргюзтюучю кёб болур.
- Тил бла келеди джыр да.
- Тойгъан джерге джети къайт.
- Босагъа таш юйге кирмей эди, тыбыр таш эшикге чыкъмай эди.
- Ётюрюкчюню шагъаты – къатында.
- Кёлсюзден сёзсюз тууар.
- Эл ауузу – элия.
- Биреуге кёлтюрген таягъынг, кесинги башынга урур.
- Ёксюзню къалачы уллу кёрюнюр.
- Джашынгы кесинг юретмесенг, джашау юретир.
- Ёксюзню тилеги къабыл болур.
- Къатын къылыкъсыз, эр тынчлыкъсыз.
- Ёзденликни кёбю ётюрюк.
- Аман хансны – урлугъу кёб.
- Чомарт къолда мал къалмаз.
- Уллу сёлешме да, уллу къаб.
- Къралынгы – душмандан, башынгы от бла суудан сакъла.
- Аджал соруб келмез, келсе, къайтыб кетмез.
- Къозулугъунда тоймагъан, къойлугъунда тоймаз.
- Ана – юйню кюн джарыгъы.
- Тели турса – той бузар.
- Тил – миллетни джаны.
- Тешигини къатында, чычхан да батыр болур.
- Ачылгъан эт джабылыр, кёрген кёз унутмаз.
- Ачлыкъ отха секиртир.
- Билим насыб берир, билим джолну керир.
- Айтханы чапыракъдан ётмеген.
- Чакъырылгъанны аты, чакъырылмагъанны багъасы болур.
- Къыз келсе, джумуш эте келеди, къатын келсе, ушакъ эте келеди.
- Акъыл аздырмаз, билим тоздурмаз.
- Чыкълы кюнде чыкъмагъан, чыкъса къуру кирмеген.
- Экеу тутушса, биреу джыгъылыр.
- Чёбню кёлтюрсенг, тюбюнден сёз чыгъар.
- Ёлген аслан – сау чычхан.
- Джюз элде джюз ёгюзюм болгъандан эсе, джюз джууугъум болсун.
- Джаз бир кюнню джатсанг, къыш талай кюнню абынырса.
- Джыйырма къойну юч джыйырма эбзе кюте эди.
- Тил – кесген бычакъ, сёз – атылгъан окъ.
- Джаш къарыу бла кючлю, къарт акъыл бла кючлю.
- Биреуге аманлыкъны тилеме да, кесинге ашхылыкъны тиле.
- Къарны аманнга къазан такъдырма, къолу аманнга от джакъдырма.
- Юйюнгден чыкъдынг – кюнюнгден чыкъдынг.
- Къарт бла баш аша, джаш бла аякъ аша.
- Сабий кёргенин унутмаз.
- Къумурсхала джыйылсала, пилни да джыгъадыла.
- Уруну арты – къуру.
- Адеб базарда сатылмаз.
