- Джангыз торгъай джырламаз.
- Ишлегенде эринме, ишде чолакъ кёрюнме.
- Ачлыкъда тары гырджын халыуадан татлы.
- Адамны артындан къара сабан сюрме.
- Эркишини аманы тиширыуну джылатыр.
- Аз сёлешген, къайгъысыз турур.
- Ачлыкъ отха секиртир.
- Джюз элде джюз ёгюзюм болгъандан эсе, джюз джууугъум болсун.
- Тиширыусуз юй – отсуз от джагъа.
- Къолунгдан къуймакъ ашатсанг да, атаны борчундан къутулмазса.
- Джюрек кёзден алгъа кёрюр.
- Дженгил джетерикме деб, узун джолну къоюб, къысхасын барма.
- Ашаса, ашамаса да, бёрюню ауузу – къан.
- Ач – эснер, ат – кишнер.
- Къаллай салам берсенг, аллай джууаб алырса.
- Атынг аманнга чыкъгъандан эсе, джанынг тамагъынгдан чыкъсын.
- Бичгенде ашыкъма, тикгенде ашыкъ.
- Тюзню ётмеги тюзде къалса да, тас болмаз.
- Чабакъ башындан чирийди.
- Окъугъан – асыу, окъумагъан – джарсыу.
- Элге къуллукъ этмеген, элге ие болмаз.
- Билими азны – ауузунда кирит.
- Адебсиз адам – джюгенсиз ат.
- Суу ичген шауданынга тюкюрме.
- Бет бетге къараса, бет да джерге къарар.
- Джюрекге ариу – кёзге да ариу.
- Кёбню кёрген – кёб билир.
- Ишни ахырын ойламай, аллын башлама.
- Накъырда – кертини келечиси.
- Эртде тургъан джылкъычыны эркек аты тай табар.
- Намысы болмагъанны, сыйы болмаз.
- Игиге айтсанг – билир, аманнга айтсанг – кюлюр.
- Тилчи тилден къаныкъмаз.
- Ачыу алгъа келсе, акъыл артха къалады.
- Ариу сёз – къылычдан джити.
- Ойнай билмеген, оюн бузар.
- Айтылгъан сёз ызына къайтмаз.
- Чакъырылгъанны аты, чакъырылмагъанны багъасы болур.
- Сабийликде юретмесенг, уллу болса – тюзелмез.
- Уллу сёзде уят джокъ.
- Аман адам элни бир-бирине джау этер.
- Алма терегинден кери кетмез.
- Чомарт къолда мал къалмаз.
- Миллетни бойну – базыкъ, аны бла кюрешген – джазыкъ.
- Кийиминг бла танылма, адамлыкъ бла таныл.
- Джетген къыз джерли эшекни танымаз.
- Кёзню ачылгъаны – иги, ауузну джабылгъаны – иги.
- Мухар, кеси тойса да, кёзю тоймаз.
- Бозаны арты дауур болур.
- Ёксюзню къалачы уллу кёрюнюр.
