- Элге къуллукъ этмеген, элге ие болмаз.
- Башынга джетмегенни сорма.
- Акъыл сабырлыкъ берир.
- Къазанда болса, чолпугъа чыгъар.
- Баланы адам этген анады.
- Айтхан сёзюне табылгъан.
- Шекер бла туз – бир болмаз, ушамагъан – юй болмаз.
- Эли джокъну – кёлю джокъ.
- Хаухну атма, ёнгкючню сатма.
- Къралынгы – душмандан, башынгы от бла суудан сакъла.
- Танг атмайма десе да, кюн къоярыкъ тюйюлдю.
- Телиге от эт десенг, юйюнге от салыр.
- Таукелге нюр джауар.
- Сакъ юйюне сау барыр.
- Тойгъан джерден туугъан джер игиди.
- Чакъырылгъанны аты, чакъырылмагъанны багъасы болур.
- Хар ишни да аллы къыйынды.
- Билмезни кёзю кёрмез, этмезни къулагъы эшитмез.
- Ач къарным, тынч къулагъым.
- Азыкъ аз болса, эртде орун сал.
- Адебсиз адам – джюгенсиз ат.
- Атлыны ашхысы, ат тизгининден билинир
- Экиндини кеч къылсанг, чабыб джетер ашхам.
- Ата Джуртуму башы болмасам да, босагъасында ташы болайым.
- Ана – юйню кюн джарыгъы.
- Чомарт бергенин айтмаз.
- Тамбла алтындан бюгюн багъыр ашхы.
- Киштикге къанат битсе, чыпчыкъ къалмаз эди.
- Иги болса, тамадама – махтау, аман болса, меннге – айыб.
- Тёгюлген тюгел джыйылмайды.
- Ариу – кёзге, акъыл – джюрекге.
- Сыфатында болмагъаны, суратында болмаз.
- Эки къатын алгъан – эки ташны ортасына башын салгъан.
- Къарнынг къанлынга кийирир.
- Хар сёзню орну барды.
- Эрине къаргъыш этген къатын, эрнин къабар.
- Адамны адамлыгъы къыйынлыкъда айгъакъланады.
- Къулакъдан эсе, кёзге ышан.
- Ишлемеген – тишлемез.
- Къобан да къуру да къобханлай турмайды, адам да къуру да патчахлай турмайды.
- Ишлерге уял да, ашаргъа табма.
- Адам сёзге тынгыла, акъыл сёзню ангыла.
- Шапа кёб болса, аш татымсыз болур.
- Къонакъ аман болса, къонакъбай джунчур
- Хазыр ашха – терен къашыкъ.
- Мени джылытмагъан кюн, меннге тиймесин!
- Бал – татлы, балдан да бала – татлы.
- Ауурну тюбю бла, дженгилни башы бла джюрюген.
- Нёгерсизни джолу узун.
- Ашхы адам – халкъ байлыгъы, ашхы джер – джашау байлыгъы.
