- Бети бедерден, намыс сакълама.
- Элиб деген, элге болушур.
- Сёлеш деб шай берген, тохта деб, сом берген.
- Адебсиз адам – джюгенсиз ат.
- Олтуруб кёрюнмей эди да, ёрге туруб кёрюне эди.
- Къыз келсе, джумуш эте келеди, къатын келсе, ушакъ эте келеди.
- Джашны джигитлиги сорулур, къызны джигерлиги сорулур.
- Къартны сыйын кёрмеген, къартлыгъында сыйлы болмаз.
- Татлы тилде – сёз ариу, чемер къолда – иш ариу.
- Малны кют, джерни тюрт.
- Игиге айтсанг – билир, аманнга айтсанг – кюлюр.
- Чакъырылмай келген къонакъ сыйланмай кетер.
- Къозулугъунда тоймагъан, къойлугъунда тоймаз.
- Тил бла келеди джыр да.
- Джумушакъ сёз къаты таякъны сындырыр.
- Тешик этген тынчды, аны джамагъан къыйынды.
- Ач уят къоймаз.
- Ариу сёз аурууунгу алыр.
- Къартны бурнун сюрт да, оноугъа тут.
- Аман эсирсе, юйюн ояр.
- Джан саулукъ бермей, сан саулукъ бермезсе.
- Ишлегенде эринме, ишде чолакъ кёрюнме.
- Таукелге нюр джауар.
- Бермеген къол, алмайды.
- Халкъгъа джарагъан, джарлы къалмаз.
- Айраннга суу къош, телиге джол бош.
- Биреуню эскиси биреуге джангы болмайды.
- Къарнынг ауруса, ауузунгу тый
- Чомартха Тейри да борчлуду.
- Экеу тутушса, биреу джыгъылыр.
- Гугук кесини атын айтыб къычыргъанча, мен, мен деб нек тураса?
- Къайтырыкъ эшигинги, къаты уруб чыкъма.
- Кёрмегеннге кебек – танг, битмегеннге сакъал – танг.
- Джылар джаш, атасыны сакъалы бла ойнар.
- Кийимни бир кюнню аясанг, минг кюннге джарар.
- Биреуге аманлыкъны тилеме да, кесинге ашхылыкъны тиле.
- Дуния мал дунияда къалады.
- Эринчекни аурууу – кёб.
- Билим насыб берир, билим джолну керир.
- Нёгерсизни джолу узун.
- Оюмсуз атлагъан, аджалсыз ёлюр.
- Кёл ашады да, кеси ашады.
- Башы джабылгъан челекге, кир тюшмез.
- Аз айтсам, кёб ангылагъыз.
- Башда акъыл болмаса, эки аякъгъа кюч джетер.
- Таугъа чыгъаллыкъ эсенг, тюзде къалма.
- Тили узунну, намысы – къысха.
- Ауругъаннга – кийик саулукъ, джетген къызгъа – чилле джаулукъ.
- Чалманны аллы къалай башланса, арты да алай барады.
- Окъуусуз билим – джокъ, билимсиз кюнюнг – джокъ.