- Акъыл къартда, джашда тюйюлдю – башдады.
- Тюз сёз баргъан сууну тыяр.
- Джырына кёре эжиую.
- Ичимден чыкъды хата, къайры барайым сата?
- Чакъырылмагъан джерге барма, чакъырылгъан джерден къалма.
- Тойгъандан сора, ашны сёкме.
- Таукел къуру къалмаз.
- Кёб ант этген, кёб ётюрюк айтыр.
- Ёзденликни джайгъан – джокълукъ.
- Чакъырылмагъан къонакъ – орунсуз.
- Тойгъа алгъа да барма, тойда артха да къалма.
- Аш берме да, къаш бер.
- Джангыз терек къынгыр ёсер.
- Дуния аламаты сен эсенг да, игиме деб айтма.
- Ёлген аслан – сау чычхан.
- Рысхы – сют юсюнде кёмюк кибикди.
- Сабий болмагъан джерде, мёлек болмаз.
- Къартны бурнун сюрт да, оноугъа тут.
- Малны кют, джерни тюрт.
- Ат да турмайды бир териде.
- Башланнган иш битер, къымылдагъан тиш тюшер.
- Этим кетсе да, сюегим къалыр.
- Босагъа таш юйге кирмей эди, тыбыр таш эшикге чыкъмай эди.
- Халкъны юйю – туугъан джери.
- Чакъырылмагъан къонакъ къачан кетерин сормаз.
- Тойгъан джерге джети къайт.
- Илму – джашауну джолу.
- Оюмсуз атлагъан, аджалсыз ёлюр.
- Бетинги сатма, малынгы сат.
- Джан саулукъ бермей, сан саулукъ бермезсе.
- Аманнга да, игиге да оноусуз къатышма.
- Акъыл аздырмаз, билим тоздурмаз.
- Джогъун бар этген, барын бал этген.
- Адебсиз адам – джюгенсиз ат.
- Кесинг сынамагъан затны, адамгъа буюрма.
- Окъугъанны бети джарыкъ.
- Айырылгъанланы айю ашар, бёлюннгенлени бёрю ашар.
- Ана кёлю – балада, бала кёлю – талада.
- Сёлеш деб шай берген, тохта деб, сом берген.
- Суугъа – таянма, джаугъа – ийнанма.
- Этек чакъмакълары баш джаргъан, сёлешген сёзлери таш джаргъан.
- Таш бла ургъанны, аш бла ур.
- Аууз сакълагъан – джан сакълар.
- Къазанны башы ачыкъ болса, итге уят керекди.
- Бир абыннган – минг сюрюнюр.
- Ашлыкъ – бюртюкден, джюн – тюкден.
- Къуллукъчума, деб махтанма, къуллукъ – хаух джамчыды!
- Эшекге миннген – биринчи айыб, андан джыгъылгъан – экинчи айыб.
- Тенгни тенглиги джашай барсанг билинир.
- Нафысынгы айтханын этме, намысынгы айтханын эт.