- Къонакъ болсанг, ийнакъ бол.
- Кимни – тили, тиши онглу, кимни – къолу, иши онглу.
- Тойгъа барсанг, тоюб бар, эски тонунгу къоюб бар.
- Джаз бир кюнню джатсанг, къыш талай кюнню абынырса.
- Эркишини аманы тиширыуну джылатыр.
- Гугук кесини атын айтыб къычыргъанча, мен, мен деб нек тураса?
- Ауругъанны сау билмез, ач къарынны токъ билмез.
- Эки къатын алгъанны къулагъы тынгнгаймаз.
- Кёб къычыргъандан – къоркъма, тынч олтургъандан – къоркъ.
- Иги – алгъыш этер, аман – къаргъыш этер.
- Ёлген аслан – сау чычхан.
- Джюрек кёзден алгъа кёрюр.
- Иги сеники эсе да, сюйген кесимикин этеме.
- Уллу сёлешме да, уллу къаб.
- Къууут – джелге, берне – бошха.
- Кесине гебен этелмеген, биреуге черен эте эди.
- Хаухну атма, ёнгкючню сатма.
- Джарлы тюеге минсе да, ит къабар.
- Баш – акъыл ючюн, акъылман – халкъ ючюн.
- Эрни эр этерик да, къара джер этерик да, тиширыуду.
- Кёбню кёрген – кёб билир.
- Тойчу джашха къарама, къойчу джашха къара.
- Ана къойну – балагъа джандет.
- Уруну арты – къуру.
- Билим ат болуб да чабар, къуш болуб да учар.
- Суугъа – таянма, джаугъа – ийнанма.
- Гырджын – тепсини тамадасы.
- Адамны аты башхача, акъылы да башхады.
- Къайтырыкъ эшигинги, къаты уруб чыкъма.
- Чабар ат – джетген къыз.
- Хатерли къул болур.
- Киштикге къанат битсе, чыпчыкъ къалмаз эди.
- Къарнынг бла ёч алма.
- Ёксюзню къалачы уллу кёрюнюр.
- Аурууну келиую тынч, кетиую – къыйын.
- Сакъалы текени да бар, мыйыгъы киштикни да бар.
- Чомарт къолда мал къалмаз.
- Суу да къайтады чыкъгъан джерине.
- Келгинчи, къонакъ уялыр, келгенден сора, къонакъбай уялыр.
- Къонакъны къачан кетерин сорма, къачан келлигин сор.
- Кюлме джашха – келир башха.
- Чарсда алчыны эл кёреди.
- Кёбден умут этиб, аздан къуру къалма.
- Биреуге аманлыкъны тилеме да, кесинге ашхылыкъны тиле.
- Гыдай эчки суугъа къараб, мюйюзле кёрмесе, джашма алкъын, дегенди.
- Бойнуму джети джерден кессенг да, мен ол ишни этеллик тюлме.
- Къонагъы джокъну – шоху джокъ.
- Эл ауузу – элия.
- Башда акъыл болмаса, эки аякъгъа кюч джетер.
- Ханнга да келеди хариблик.
[ Закрыто ] А почему на Эльбе....
Читают тему (гостей: 1)