- От этилмеген джерден тютюн чыкъмайды.
- Ишни аллы бла къууанма да, арты бла къууан.
- Кёрмегеннге кебек – танг, битмегеннге сакъал – танг.
- Тюз сёз баргъан сууну тыяр.
- Къая джолда джортма, ачыкъ сёзден къоркъма.
- Адамны бетине къарама, адетине къара.
- Агъач халкъгъа алтынды, иссиликге салкъынды.
- Дууулдаса – бал чибин, къонса – къара чибин.
- Танг атмайма десе да, кюн къоярыкъ тюйюлдю.
- Айранны сюйген, ийнек тутар.
- Баш болса, бёрк табылыр.
- Адеб базарда сатылмаз.
- Сабийни джумушха джибер да, ызындан бар.
- Ёксюзню тилеги къабыл болур.
- Хар ишни да аллы къыйынды.
- Сабыр джетер муратха, сабырсыз къалыр уятха.
- Акъыллы – эл иеси, тели – эл баласы.
- Адамны сыфатына къарама, сёзюне къара.
- Сабийликде юретмесенг, уллу болса – тюзелмез.
- Башынга джетмегенни сорма.
- Рысхы – насыбха къор.
- Адеб джокъда, намыс джокъ.
- Гугурук къычырмаса да, тангны атары къалмаз.
- Кюн – узун, ёмюр – къысха.
- Иги джашны ышаны – аз сёлешиб, кёб тынгылар.
- Ачыу алгъа келсе, акъыл артха къалады.
- Босагъа таш юйге кирмей эди, тыбыр таш эшикге чыкъмай эди.
- Ашлыкъны арба юйге келтирир, чана базаргъа элтир.
- Ач бёрюге мекям джокъ.
- Кийимни бичсенг, кенг бич, тар этген къыйын тюлдю.
- Урама да – ёледи, сатама да – келеди.
- Аманны тукъумуна къарама, игини тукъумун сорма.
- Эринчекни аурууу – кёб.
- Иги сёз – джаннга азыкъ, аман сёз башха – къазыкъ.
- Ач уят къоймаз.
- Ышармагъан – кюлмез, кюлмеген – къууанчны билмез.
- Сыфатында болмагъаны, суратында болмаз.
- Шекер бла туз – бир болмаз, ушамагъан – юй болмаз.
- Нафысынгы айтханын этме, намысынгы айтханын эт.
- Татлы тилде – сёз ариу, чемер къолда – иш ариу.
- Тойгъанлыкъ къойгъа джарашады.
- Байлыкъдан саулукъ ашхыды.
- Суу да къайтады чыкъгъан джерине.
- Ана къойну – балагъа джандет.
- Ёзденликни джайгъан – джокълукъ.
- Айтылгъан сёз ызына къайтмаз.
- Билмезни кёзю кёрмез, этмезни къулагъы эшитмез.
- Арбаз сайлама да, хоншу сайла.
- Къарнынг ауруса, ауузунгу тый
- Берекет берсин деген джерде, берекет болур.
[ Закрыто ] А почему на Эльбе....
Читают тему (гостей: 1)