- Адамны сыфатына къарама, сёзюне къара.
- Джарлы джети элни сёзюн этер.
- Дууулдаса – бал чибин, къонса – къара чибин.
- Кёлсюзден сёзсюз тууар.
- Джюз элде джюз ёгюзюм болгъандан эсе, джюз джууугъум болсун.
- Ким бла джюрюсенг, аны кёзю бла кёрюнюрсе.
- Ёзденликни кёбю ётюрюк.
- Байдан умут эте, джарлыдан ёгюз багъасы къорады.
- Ариу сёз – джаннга азыкъ, аман сёз – башха къазыкъ.
- Адам туугъан джеринде, ит тойгъан джеринде.
- Джети тилни билген джети кишиди.
- Миллетни бойну – базыкъ, аны бла кюрешген – джазыкъ.
- Чомартны къолу берекет.
- Ачыу алгъа келсе, акъыл артха къалады.
- Ауругъанны сау билмез, ач къарынны токъ билмез.
- Ашын ашагъанынгы, башын да сыйла.
- Джумушакъ сёз къаты таякъны сындырыр.
- Ата Джуртча джер болмаз, туугъан элча эл болмаз.
- Тойгъа алгъа да барма, тойда артха да къалма.
- Ауузу аманнга «иги», деме.
- Айран ичген – къутулду, джугъусун джалагъан – тутулду.
- Эркиши – от, тиширыу – суу.
- Айтхан сёзюне табылгъан.
- Кёзю сокъурдан – къоркъма, кёлю сокъурдан – къоркъ.
- Акъыллы айтыр эди, акъылсыз къоймайды.
- Джюрекден джюрекге джол барды.
- Къан бла кирген, джан бла чыгъар.
- Арбаз къынгырды да, ийнек сауалмайма.
- Малны кют, джерни тюрт.
- Намысы болмагъанны, сыйы болмаз.
- Кёл – къызбай, къол – батыр.
- Этим кетсе да, сюегим къалыр.
- Акъыл бла адеб эгизледиле.
- Бек ашыкъгъан меннге джетсин, дегенди аракъы.
- Битмегеннге сакъал – танг.
- Джюрек кёзден алгъа кёрюр.
- Бюгюн дуния кибик, тамбла ахыратды.
- Чарсда алчыны эл кёреди.
- Ач къарынны, токъ билмез
- Таякъ этден ётер, тил сюекден ётер.
- Джан саулукъ бермей, сан саулукъ бермезсе.
- Иги сеники эсе да, сюйген кесимикин этеме.
- Таш бла ургъанны, аш бла ур.
- Адам боллукъ, атламындан белгили болур.
- Бозаны арты дауур болур.
- Ач, тоймам, дейди, тойгъан, ач болмам, дейди.
- Аллахдан тилесенг, кёб тиле.
- Ётюрюк хапар аякъ тюбю бла джюрюйдю.
- Билмезни кёзю кёрмез, этмезни къулагъы эшитмез.
- Тойчу джашха къарама, къойчу джашха къара.
[ Закрыто ] А почему на Эльбе....
Читают тему (гостей: 1)