- Тёзгеннге, джабылгъан эшик ачылыр.
- Эринчекни аурууу – кёб.
- Борчунг бар эсе, хурджунунга ойлаб узал.
- Иши джокъну, сыйы джокъ.
- Къулакъдан эсе, кёзге ышан.
- Мухар, кеси тойса да, кёзю тоймаз.
- Орундукъ тюбюнде атылсам да, орта джиликме, де да айлан.
- Босагъагъа джууукъ орун болса, ашыгъыб тёрге озма.
- Кирсизни – саны таза, халалны – къаны таза.
- Юй кюйдю да, кюйюз чыкъды, ортасындан тюйюш чыкъды.
- Билеги кючлю, бирни джыгъар, билими кючлю, мингни джыгъар.
- Намыс болмагъан джерде, насыб болмаз.
- Билимсиз иш бармаз.
- Кюл тюбюндеги от кёрюнмейди.
- Къарны аманнга къазан такъдырма, къолу аманнга от джакъдырма.
- Билмейме деген – бир сёз
- Ачылгъан эт джабылыр, кёрген кёз унутмаз.
- Билим къая тешер.
- Экиндини кеч къылсанг, чабыб джетер ашхам.
- Адамны артындан къара сабан сюрме.
- Къарт бла баш аша, джаш бла аякъ аша.
- Джол бла сёзню къыйыры джокъ.
- Башланнган иш битер, къымылдагъан тиш тюшер.
- Окъуу – билимни ачхычы, окъуу – дунияны бачхычы.
- Ишленмеген джаш – джюгенсиз ат, ишленмеген къыз – тузсуз хант.
- Аджашхан тёгерек айланыр.
- Кёзю сокъурдан – къоркъма, кёлю сокъурдан – къоркъ.
- Джукъу тёшек сайламайды.
- Кёб къычыргъандан – къоркъма, тынч олтургъандан – къоркъ.
- Арбаз сайлама да, хоншу сайла.
- Къызбайны юйюне дери сюрсенг, батыр болур.
- Къарыусузгъа кюлме, онгсузгъа тийме.
- Минг тенг да азды, бир джау да кёбдю.
- Къуру гыбыт бек дыгъырдар.
- Тойчу джашха къарама, къойчу джашха къара.
- Тенгни тенглиги джашай барсанг билинир.
- Кюн кёрмеген, кюн кёрсе, кюндюз чыракъ джандырыр.
- Уллу атлама – абынырса, уллу къабма – къарылырса.
- Халкъгъа джарагъан, джарлы къалмаз.
- Сабыр джетер муратха, сабырсыз къалыр уятха.
- Элни кючю – эмеген.
- Айтылгъан буйрукъ, сёгюлмез
- Этим кетсе да, сюегим къалыр.
- Джырчы джырчыгъа – къарнаш.
- Башы ишлегенни, ауузу да ишлер.
- Кюлме джашха – келир башха.
- Джангыз торгъай джырламаз.
- Айтхан – тынч, этген – къыйын.
- Айыбны суу бла джууалмазса.
- Кёл ашады да, кеси ашады.
