- Биреу къой излей, биреу той излей.
- Къанны къан бла джуума, аманны аман бла къуума.
- Адамны джюреги нени кёрюрге сюйсе, кёзю да аны кёрюрге ёч болады.
- Кёз – сюйген джерде, къол – ауругъан джерде.
- Тойгъан джерден туугъан джер игиди.
- Сёлеш деб шай берген, тохта деб, сом берген.
- Джерни букъусу кёкге къонмаз.
- Харам къарнашдан, халал тенг ашхы.
- Aдам боллукъ, сыфатындан белгили.
- Тили узунну, намысы – къысха.
- Гитче джилтин уллу элни джандырыр.
- Акъыллы башны – тили къысха.
- Къыз тиширыу кеси юйюнде да къонакъды.
- Акъылсызны джууукъгъа алма, акъыллыны кенгнге салма.
- Садакъачыны джаны – къапчыгъында.
- Мадар болса, къадар болур.
- Адеб этмеген, адеб кёрмез.
- Къоркъакъны кёзю экили кёрюр.
- Ёзденликни джайгъан – джокълукъ.
- Ариу сёз аурууунгу алыр.
- Къарнынг къанлынга кийирир.
- Байдан умут эте, джарлыдан ёгюз багъасы къорады.
- Дуния мал дунияда къалады.
- Кёзю сокъурдан – къоркъма, кёлю сокъурдан – къоркъ.
- Телини эшигин, махтау джабар.
- Юйюнгден чыкъдынг – кюнюнгден чыкъдынг.
- Джюрекден джюрекге джол барды.
- Чакъырылгъанны аты, чакъырылмагъанны багъасы болур.
- Ургъан суудан башынгы сакъла.
- Абынмазлыкъ аякъ джокъ, джангылмазлыкъ джаякъ джокъ.
- Аман киши кеси юйюнде – къонакъ.
- Рысхы – насыбха къор.
- Тёрде – темир таякълы, къаяда – чыпчыкъ аякълы.
- Эм уллу байлыкъ – джан саулукъ.
- Окъуусуз билим – джокъ, билимсиз кюнюнг – джокъ.
- Босагъагъа джууукъ орун болса, ашыгъыб тёрге озма.
- Тойгъан антын унутур.
- Тау башында, тау болмаз, джангыз терек, бау болмаз.
- Ушамагъан – джукъмаз.
- Адамны аманы адамны бети бла ойнар.
- Малны кют, джерни тюрт.
- Таукел къуру къалмаз.
- Джахил болса анасы, не билликди баласы?
- Ачыкъ джюрекге джол – ачыкъ.
- Окъ къызбайны джокълайды.
- Ауузу бла къуш тута айланады.
- Нёгерсизни джолу узун.
- Кечеси – аяз, кюню – къыш, джарлы къаргъагъа бир аш тюш!
- Тойну къарнашы – харс, джырны къарнашы – эжиу.
- Таугъа чыгъаллыкъ эсенг, тюзде къалма.
