- Айран тёгюлсе, джугъусу къалыр.
- Иги адам абынса да, джангылмаз.
- Акъдан къара болмаз.
- Джеринден айырылгъан – джети джылар, джуртундан айырылгъан – ёлгюнчю джылар.
- Ёлмесенг да, къарт дамы болмазса?
- Мал кёб болса, джууукъ кёб болур.
- Акъыллы эркиши атын махтар, акъылсыз эркиши къатынын махтар.
- Ханнга да келеди хариблик.
- Бек ашыкъгъан меннге джетсин, дегенди аракъы.
- Адебсиз адам – джюгенсиз ат.
- Сагъышы джокъ – джукъучу, акъылы джокъ – къаугъачы.
- Джангыз торгъай джырламаз.
- Аманны эки битли тону болур, бирин сеннге кийдирир, бирин кеси киер.
- Акъыл бла адеб эгизледиле.
- Экиндини кеч къылсанг, чабыб джетер ашхам.
- Къайгъы тюбю – тенгиз.
- Сибиртки да сыйлы болду, кюрек да кюнлю болду.
- Ачыкъ джюрекге джол – ачыкъ.
- Ашхы болсанг, атынг чыгъар, аман болсанг, джанынг чыгъар.
- Ачлыкъда тары гырджын халыуадан татлы.
- Гыдай эчки суугъа къараб, мюйюзле кёрмесе, джашма алкъын, дегенди.
- Атадан ёксюз – бир ёксюз, анадан ёксюз – эки ёксюз.
- Абынмазлыкъ аякъ джокъ, джангылмазлыкъ джаякъ джокъ.
- Аман хансны – урлугъу кёб.
- Иши джокъну, сыйы джокъ.
- Къыз тиширыу кеси юйюнде да къонакъды.
- Тойчу джашха къарама, къойчу джашха къара.
- Адамны аты башхача, акъылы да башхады.
- Чомартха хар кюн да байрамды.
- Эл бла кёргенинг эрелей.
- Ашыкъгъан cуу, тенгизге джетмез.
- Башы джабылгъан челекге, кир тюшмез.
- Къаллай салам берсенг, аллай джууаб алырса.
- Экеулен сёлеше тура эселе, орталарына барыб кирме.
- Намыс сатылыб алынмайды.
- Рысхысына кёре, джаш ёсер, къышлыгъына кёре, мал ёсер.
- Аз айтсам, кёб ангылагъыз.
- Тил – миллетни джаны.
- Къарын къуру болса, джюрек уру болур.
- Билими азны – ауузунда кирит.
- Ётюрюкню къуйругъу – бир тутум.
- Кютгени беш эчки, сызгъыргъаны уа, джерни джарады.
- Адамны сыфатына къарама, сёзюне къара.
- Таякъ этден ётер, тил сюекден ётер.
- Адам къыйынлыгъын кёлтюрюр, зауукълугъун кёлтюрмез.
- Сыфатында болмагъаны, суратында болмаз.
- Хар зат кесини орнуна иги.
- Мухарны эси – ашарыкъда.
- Къыз келсе, джумуш эте келеди, къатын келсе, ушакъ эте келеди.
- Aдам боллукъ, сыфатындан белгили.
